________________
33
आलम्बनपरीक्षाव्याख्या इन्द्रियशक्तेः प्रतिनियतत्वात् ।
एवमणुरपि। न सर्वसम्मतिबाधः । ननु अणुर्भातु न कठिनता । स्वभावान्तरत्वात् । उच्यते । भौतिकमात्रदशायतनसाधारण्येन पक्षधर्मः स्वीकृतः । अत इदं वचनमदुष्टम् । तथायमुक्तः ।
"घटशरावादिमतिरिति । ____ एवं पश्यतस्ते घटे शरावे च निष्पन्ना इन्द्रियबुद्धिः। .
समा दृश्येत"। - विज्ञप्तेः स्वविषये भेदाभावात् । इन्द्रियबुद्धेः पुरोवर्तिविषयमनुसृत्य आकारोदयाच्च । कथं ज्ञायते विज्ञप्तिविषयो न भिद्यते इति ।
न घटशरावादीनां बहुषु परमाणुषु विशेषोऽस्ति । इदं वचनमाह । यद्यपि परमाणवः सञ्चिताकारेण विषया भवन्ति । नैवास्ति तु घटादिस्वरूपप्रकाशकाले बहुषु संघातेषु अवयवविशेषरूपम् । तेषां वास्तवाकारात् बहिः विशेषसञ्चिताकारस्यानुपलम्भात् । तत्प्रतीत्य निष्पन्ना इन्द्रियविज्ञप्तिरभिन्नाकारा स्यात् । अनेनांशेन अणुस्वरूपे आलम्बनता सिध्यति । न पुनः तेषामविशेषाकारे प्रत्यवमर्शस्य प्रत्ययः । अध्यवसायान्तरत्वात् । यथा नीलादि प्रतीत्य ।
आकारभेदाढ़ेद उच्यते चेत् । ।
* Kar.4 a-b. " More lit. स्वविषये विज्ञप्यभेदात् .
49 Kar.4 c.
