________________
वज्जिज्जाऽणेगोवधायकारणं गरहणिज्जं बहुकिलेसं आयइविराहगं समारंमं; न चिंतिज्जा परपीडं, न भाविज्जा दीणयं, न गच्छिज्जा हरिसं, न सेविज्जा वितहाभिनिवेसं उचिभमणपवत्तगे सिआ।
न भासिज्जा अलिअं, न फरुसं, न पेसुन्नं, नाणिबद्ध । हिअमिअभासगे सिआ ।
एवं न हिंसिज्जा भूआणि, न गिव्हिज्जा अदत्तं, न निरिक्खिज्ज परदारं, न कुज्जा अणत्थदंडं, सुहकायजोगे सिआ ।
- तहा लाहोचिभदाणे लाहोचिअभोगे लाहोचिअपरिवारे लाहोचिभनिहिकरे सिआ। असंतावगे परिवारस्स, गुणकरे जहासतिं, अणुकंपापरे, निम्ममे भावेणं । एवं खु तप्पालणेवि धम्मो, जह अन्नपालणेत्ति । सव्वे जीवा पुढो पुढो, ममत्तं बंधकारणं । ___ तहा तेसु तेसु समायारेसु सइसमण्णागए सिआ, अमुगेऽहं, अमुगकुले, अमुगसिस्से, अमुगधम्मट्ठाणट्ठिए; न मे तश्विराहणा, न मे तदारंभो, वुड्ढी ममेअस्स । एअमित्थ सारं, एअमायभूध, एअं हिअं; असारमण्णं सव्वं, विसेसओ अविहिगहणेणं; एवमाह तिलोगबंधू परमकारुणिगे सम्म संबुध्धे भगवं अरहंतेत्ति । एवं समालोचिअ तदविरुध्धेसु समायारेस सम्मं वट्टिज्जा, भावमंगलमेरं तन्निप्फत्तीए । ___ तहा जागरिज्ज धम्मजागरिआए, को मम कालो, किमअस्स उचिअं असारा विसया निमगामिणो विरसावसाणा, भीसणो मच्च सव्वाभावकारी अविन्नायागमणो अणिवारणिज्जो, पुणो पुणोऽणुबंधी; धम्मो एअस्स ओसहं, एगंतविसुद्धो, महापुरिससेविमओ सव्वहिसकारी निरइआरो परमाणंदहेऊ ।
