________________
जायाए धम्मगुणपडिवत्तिसद्धार भाविज्जा एएसिं सरूवं पयइसंदरतं, अणुगामित्तं, परोवयारित्तं, परमत्थहेउत्तं; तहा दुरणुचरत्तं, भंगे दारुणत्तं, महामोहजणगत्तं, भूओ दुल्लहत्तंति । एवं जहासत्तीए उचिअविहाणेणं अच्चंतभावसारं पडिवजिजा, तं जहा-१. थूलगपाणाइवायविरमणं २. थूलगमुसावायविरमणं ३. थूलगअदत्तादाणविरमणं ४. थूलगमेहुणविरमणं ५. थूलगपरिग्गहविरमणमिच्चाइ ।
पडिवजिउण पालणे जइज्जा, सयाऽऽणागाहगे सिआ, सयाssणाभावगे सिआ, सयाऽऽणापरतंते सिआ। आणा हि मोहविसपरममंतो, जलं रोसाइजलणस्स, कम्मवाहितिगिच्छासत्थं, कप्पपायवो सिवफलस्स ।
• वजिज्जा अधम्मभित्तजोगं चिंतिजाऽभिणवपाविए गुणे, अणाइभवसंगए अ अगुणे, उदग्गसहकारित्तं अधम्म मित्ताणं, उभयलोगगरिहिअत्तं, असुहजोगपरंपरंच । परिहरिजा सम्मं लोगविरुद्ध । करुणापरे जणाणं न खिसाविज धम्मं । संकिलेसो खु एसा, परम्बोहिबीअं अबोहिफलमप्पणोत्ति । एवमालोएज्जा 'न खलु इत्तो परो अणत्थो, अंधत्तमेअं संसाराडवीए, जणगमणिट्ठावायाणं, अइदारुणं सरूवेणं, असहाणुधमच्चत्थं, सेविज धम्ममित्ते विहाणेणं, अंधो विवाणुकट्ठए, वाहिए विव विज्जे, दरिदो विव ईसरे, भीओ विव महानायगे । न इओ सुंदरतरमन्नं ति वहुमाणजुत्ते सिआ, आणाकंखी, आणापडिच्छगे, आणाअविराहगे, आणानिप्फायगेति । पडिवन्नधम्मगुणारिहं च वहिज्जा गिहिसमुचिएसु गिहिसमाथारेसु, परिसुद्धाणुट्ठाणे, परिसुद्धमणकिरिए, परिसुद्धवइकिरिए, परिसुद्धकाअकिरिए।
