________________
साहूण साहुकिरिअं, सव्वेसिं सावगाणं मुक्खसाहणजोगे, सव्वेसि देवाणं, सव्वेसिं जीवाणं, होउकामाणं कल्लाणाऽऽसयाणं मग्गसाहणजोगे; होउ मे एसा अणुमोअणा सम्मं विहिपुव्विआ, सम्म सुद्धासया, सम्म पडिवत्तिरूवा, सम्म निरइआरा, परमगुणजुत्तभरहंताइसामथओ। अचिंतसत्तिजुत्ता हि ते भगवंतो वीअरागा सव्वण्णू परमकल्लाणा, परमकल्लाणहेऊ सत्ताणं; मूढे अम्हि पावे, अणाइमोहवासिए, अणभिन्ने भावओ हिआहिआणं, अभिन्ने सिआ, अहिअनिवित्ते सिआ, हिअपवित्ते सिआ, आराहगे सिआ, उचिअपडिवत्तीए सव्वसत्ताणं सहिअंति । इच्छामि सुक्कडं इच्छामि सुकडं इच्छामि सुक्कडं।
एवमेअं सम्मं पढमाणस्स सुणमाणस्स अणुप्पेहमाणस्स सिडिलीभवंति परिहायंति खिज्जति असुहकम्माणुबंधा, निरणुबंधे वाऽसुहकम्मे भग्गसामथ्थे सुहपरिणामेणं, कडगबध्धे विध विसे अप्पफले सिआ, सुहावणिजे सिआ, अपुणभावे सिआ । तहा आसगलिजंति परिपोसिज्जति निम्मविज्जति सुहकम्माणुबंधा साणुबंधं च सुहकम्मं पगिहँ पगिट्ठभावजिभं नियमफलयं । सुपउत्ते विभ. महागए सुहफले सिआ, सुहपवत्तगे सिआ, परमसुहसाहगे सिआ। अपडिबंघमेअं असुहभावनिरोहेणं सुहभावबीअंति सुप्पणिहाणं सम्मं पढिअव्वं, सम्मं सोअव्वं, सम्म अणुप्पेहिअवंति । नमो नमिअनमिआणं परमगुरुवीभरागाणं नमो सेसनमुक्कारारिहाणं । जयड सव्वण्णुसासणं; परमसंबोहीए सुहिणो भवंतु जीवा, सुहिणो भवंतु जीवा, सुहिणो भवंतु जीवा ।।
इति पावपडिग्धाय-गुणबीजाहाणसुत्तं समत्तं ॥१॥
२. अथ साहुधम्म परिभावणा-सुत्तं
