________________
पढमो भयो।]
राइणा भणियं । अहो मे अहलया; चुक्को' म्हि महालाभस्स, संपत्तो य तवस्सिजणदेहपीडाकरणेण महन्तं अणत्थं ति । एवं विलविऊणं बिइयदियहे पहायसमए चेव गओ तवोवणं । दिट्ठा य तेण कुलवइप्पमुहा बहवे तावसा, लजाविणओणउत्तिमङ्गेण पणमिया य णेणं विहिणा । अहिणन्दिओ य आसीसाए कुल- ५ दइप्पमुहहिं सव्वतावसहिं । ' उवविससु महाराय, सागयं ते' भणिओ य कुलवइणा । तओ राया अवणउत्तिमङ्गो सविसेसलज्जामन्थरो विमुक्कदीहनीसासं उवविठ्ठो कुलवइस्स पुरओ। तं च तहा विचित्तं रायाणं दट्टणं भणियमणेणं । वच्छ, उव्विग्गो विय लक्खीयसि । ता कहहि मे उव्वेयकारणं, जइ अकहणीयं १० न होइ । राइणा भणियं । अस्थि भगवओ वि नाम अकहणीयं । अहं च । अकहणीयवत्थुविसउब्विग्गस्स न जुत्तं तवोवणागमणं । कुलबइणा भणियं । साहु वच्छ साहु, उचिओ ते विवेगो; ता किं उम्वेयकारणं ति । राइणा भणियं । भगवओ आण त्ति करिय कहीयइ; अन्नहा कहं ईइसं निसंसचरियं २ कहिउं १५ पारीयइ । कुलवइणा भणियं । वच्छ, सव्वस्स जणणीभूओ खु होइ तवस्सिजणो । तओ का तं पइ लज त्ति । ता कहेउ भवं, जेण मुणियवुत्तन्तो भविय केणइ उवाएण ऽवणेमि तं उज्वेयं ति । राइणा भणियं । भयवं, जइ एवं, ता सुणसु । एस अम्गिसम्मतावसो पढमं चेव मम मन्दपुण्णस्स असमि- २० क्खियकारिणो असरिसजणसरिसायरणनिरयस्स संबन्धिणा निन्दएण तावसो संवुत्तो । एयस्स पवन्नुत्तमवयस्स वि तं मए
६१. च्युतः । ६२. नृशंसचरितं । ६३. असदृशजनसशाचरणनिरतस्य ।
