________________
वीओ भवो।
१०७
घोरो य अयगरो जो सो नरओ विसयमोहियमणो त्ति । पडिओ उ जंमि जीवो दुक्खसहस्साइ पावेइ ॥ १९५ ॥ महुबिन्दुसमे भोए तुच्छे परिणामदारुणे धणियं । इय वसणसंकडगओ विबुहो कह महइ३९४ भोत्तुं जे । तो भे भणामि सावय विसयसुहं दारुणं मुणेऊणं । चवलतडिविलसियं पिव मणुयत्तं भङ्गुरं तह य ॥ १९७ ॥ सुयणसमागमसोक्खं चवलं जोव्वणं पिय असारं । सोक्खनिहाणंमि सया धम्ममि मई दढं कुणसु ॥ १९८ ॥
सीहकुमारेण भणियं । भयवं, केरिसो धम्मो ति । भगवया भणियं । सुण, खमाइगो । भणियं च । १० खन्ती य मद्दवज्जवमोत्तीतवसंजमे य बोद्धव्वे । सच्चं सोयं आकिंचणं च बम्भं च जइधम्मो ॥ १९९॥
तत्थ खन्ती नाम सम्मन्नाणपुव्वगं वत्थुसहावालोयणेण कोहस्स अणुदओ उदयपत्तस्स वा विफलीकरणं । एवं मद्दवया वि माणस्स अणुदओ उदयपत्तस्स वा विफलीकरणं । एवम- १५ जवया वि मायाए अणुदओ उदयपत्ताए वा विफलीकरणं । एवं मुत्ती वि लोहस्स अणुदओ उदयपत्तस्स वा विफलीकरणं ति ॥ तवो पुण दुविहो बाहिरो अन्भिन्तरो य । बाहिरओ अणसणाइगो । भणियं च ।
अणसणमूणोयरियादित्तीसंखेवओ रसच्चाओ। कायकिलेसो संलीणया य बज्झो तवो होइ३९५ ॥ २०॥
अब्भिन्तरओ पुण पायच्छित्ताइओ । तं जहा ।।
३९४. इच्छति । सि. हे. ८. ४. १९२. । ३९५. अनशनं ऊनोदरिता वृत्तिसंक्षेपत: रसत्यागः । कायक्लेशः संलीनता (शरीरदीनां संगोपनं ) च बाह्य तपः भवति ॥
