________________
बाओ भवो।]
अन्नं च, देव, न तं वज्जिय कुसुमावलीए अन्नो उचिओ त्ति ॥ एत्थन्तरंमि लज्जाहरिसनिब्भराए किंपि अभणणीयं अवस्थन्तरं पाविऊण अलियकोवकलङ्कसंपायणेण चन्दसरिसवयणाए भणियं कुसुमावलीए । हला असंबद्धपलाविणि, किमेयमेवं पलवास । मयणलेहाए भणियं । सामिणि, किं वा एत्थ असंबद्धं ५ ति । किं अणुचिया माणससरनिवासिणो रायहंसी वरहंसस्स । तओ देवेण भणियं । भो सुबुद्धि, पहवइ महाराओ मम पाणाणं पि । तओ सुबुद्धिणा भणियं । देव, जुत्तमेयं ति ॥ एवं च जाव वीसत्थमन्तिएणं चिट्ठन्ति, ताव आगया उज्जाणवाली पल्लषिया नाम चेडी । विन्नत्ता य तीए कुसु. १० मावली । सामिणि, देवी आणवेइ । गच्छ तुमं दन्तवलहियं, जओ आणत्तं देवेण · अज्ज सविसेससोहासंपायणाभिरामं सजेयव्यं भवणुज्जाणं, एत्थ किल महारायपुत्तेण सीहकुमारेण आगन्तव्वं ' ति । तओ एयमायण्णिय 'जं देवी आणवेइ' त्ति . सहरिसं गया दन्तवलहियं ॥ इओ य सज्जियं भवणुज्जाणं । १५ तओ य सायरं उवणिमन्तिऊण कुसुमावलीदंसणूसुययाए अभिप्पेयागमणो चेव आणीओ सीहकुमारो । कओ से भोयणसंपायणाइओ उवयारो । पच्छा पविठ्ठो भवणुजाणं । दिठो य तेण गिहसारियारावमुहलो दक्खालयामण्डबो नववरो विव आरत्तपल्लवनिवसणोवसोहिओ असोयनिवहो, चडुलकलहंसचालियक- २० मलो य भवणदीहियानलिणिवणसण्डो, महुयरपरहुयारावमुहलो य सहयारनिकुरुम्बो, कुसुममहुपाणमुइयभमिरभमरालिपरियरिओ य माहवीलयामण्डवो, नागवल्लीनिवहसमालिङ्गिओ य पूगफली
