________________
[ समराइचकहाप
विसाललोयणो उतुङ्गनासियावंसो विउलनिडालवट्टो २२४ सुसमाउत्तकण्णपासो कसिण सुसिणिद्धकुन्तलसारो चन्दणकयङ्गराओ विमलदुगुरूनियंसणो २२५ महलमुत्ता हलमालाविहूलिय सिरोहरो विमलचूडारयणपसाहियउत्तिमङ्गो, किं बहुना जंपिएण, रूवं ५ पिय रूवस्स लावणं पिव लायण्णस्स सुन्दरं पिव सुन्देरस्स जोव्वणं पिव जोव्वणस्स मणोरहो विय मणोरहाणं महारायस्स तो सीहकुमारो ति । तओ मुणियअन्नहावियार भावनिबन्धणाए चिन्तियं मयणलेहाए । ठाणे खु सामिणीए अणुराओ | अहवा न कमलायरं वज्जिय लच्छी अन्नत्थ अहिरमइ । तस्स विय १० भगवओ अणङ्गस्स विय रई न एयं वज्जिय अन्ना उचियत्ति । चिन्तिऊण जंपियमिमीए । सामिणि, सुन्दरो खु सो कुमारो नियगुणो । जहा उण अज्जसुबुद्धी मए देवीपेसणगयाए राइना सह मन्तयन्तो सुओ, जइ तं तहा भविस्सइ, तओ रइसणाहो विय पञ्चबाणो सयलसुन्दरो भविस्सइति । कुसुमावलीए १५ भणियं ' किं सुओ' ति । तीए भाणयं । एवं सुओ । अज्ज - सुबुद्धिणा भणियं । देव, महारायपुरिसदत्तस्स सीहकुमारस्स कए कुसुमावलि मग्गमाणस्स गरुओ अणुबन्धो । दढं च तेण एत्थ वुत्तन्ते अहं भणिओ म्हि ' तहा तुमए कायव्वं, जहा एसा कुसुमावली सरिसगुणेणं कुमारसीहेणं संजुज्जइ ' त्ति ।
' नियंत्रण
२२४. विपुलललाटपट्टकः । २२५ विमलदुकूलवनः । इति ' निवासनार्थी शब्द: दे. ना. मा. ( ४. ३८. ) हेमचन्द्रेणी - लिखित: । ' णिअंधणणिअंसणा बत्थे ' ।
