________________
[समराइञ्चकहाए
पढमागयाओ अम्हे; ता अलंकरावीयउ आसणपरिग्गहेणं इमं पएस एसो, कीरउ से सज्जणजणाण संबन्धपायवबीयभूयं सागयं, दिजउ से सहत्थेण कालोचियं वसन्तकुसुमाभरणसणाहं तम्बोलं ति । कुसुमावलीए भणियं । हला, न सक्कुणोमि अइसज्झसण १९ इमं एयस्स काउं; ता तुमं चेव एत्थ कालोचियं करेहि त्ति । एत्थन्तरंमि य पत्तो तमुद्देस कुमारो । तओ सज्जिऊणासणं, भणिओ पियंकरीए । सागयं रइविरहियस्स कुसुमचावस्स, इह उवविसउ महाणुभावो । तओ सो सपरिओसं ईसि.१४
विहसिऊण 'आसि य अहं एत्तियं कालं रइबिरहिओ, न १० उण संपयं' ति भणिऊणमुवक्टिो । उनणीयं च पियंकरियाए
माहवीकुसुममालासणाहं कलधोयमयतलियाए२१५ तम्बोलं गहियं च तेण । एत्थन्तरंमि य आगओ कुसुमावलीजण णीए आहवणनिमित्तं पेसिओ संभरायणो नाम कन्नन्तेउरमहल्लगो२१६ । दिट्ठा
य तेण साणुरायं अपेच्छन्तमद्धच्छिपेच्छिएहिं कुमारमवलोएन्ती १५ कुसुमावली । चिन्तियं च ण । समागओ मयणो रईए, जइ
विही अणुवत्तिस्सइ । तओ पच्चासन्नमागन्तूण कुमारमहिणन्दिय भणियं संभरायणेणं । वच्छे, कुसुमावलि, देवी मुत्तावली आणवेइ ‘अइचिरं कीलियं, मा सरीरखेदो ते भविस्सइ; ता
लहुं आगन्तव्वं' ति । तओ सा 'जं अम्मा आणवेइ' त्ति २. भणिऊण ससंभमं कुमारमवलोएन्ती निग्गया उज्जाणाओ,
२१३. अतिसाध्वसेन । २१४. ईषत् । २१५ कलधौतमयतलिकया प्रियंका । 'तलिया' तलिका स्थालीत्यर्थः । २१६ कन्यान्तःपुरमहलकः । महल्लकः कञ्चुकी ।
