________________
सुबाहू तं जइ णं समणे भगवं महावीरे पुवाणुपुब्धि चरमाणे गामागुगामं दूइज्जमाणे इहमागच्छिज्जा (जाव] विहरिज्जा, तए णं अहं समणस्स भगवओ अन्तिए मुण्डे भवित्ता [जाव] पव्वएज्जा"।
तए णं समणे भगवं महावीरे सुबाहुस्स कुमारस्स इमं एयारूवं अज्झत्थियं [जाव] वियाणित्ता पुव्वाणुपुवि [जाव] दूइज्जमाणे जेणेव हत्थिसीसे नयरे जेणेव पुप्फगउज्जाणे जेणेव कयवणमालपियस्स जक्खस्स जक्खाययणे तेणेव उवागच्छइ, २ अहापडिरूवं उग्गहं गिण्हित्ता संजमेणं तवसा अप्पाणं भावेमाणे विहरइ । परिसा राया निग्गया । तए णं तस्स सुबाहुस्स कुमारस्स [0] तं महया, जहा पढमं तहा निग्गओ । धम्मो कहिओ । परिसा राया पडिगया ॥ ____तए णं से सुबाहुकुमारे समणस्स भगवओ महावीरस्स अन्तिए धम्म सोच्चा निसम्म हतुट्ठ° [0] जहा मेहे तहा अम्मापियरो आपुच्छइ । निक्खमणाभिसेओ तहेव [जाव] अणगारे जाए इरियासमिए [जाव] बम्भयारी । तए णं से सुबाहू अणगारे समणस्स भगवओ महावीरस्स तहारूवाणं थेराणं अन्तिए सामाइयमाइयाइं एकारस अङ्गाई अहिज्जइ, २ बहूहिं चउत्थछट्टम° [०] तवोवहाणेहिं अप्पाणं भाविता बहूई वासाई सामण्णपरियागं पाउणित्ता मासियाए संलेहणाए अप्पाणं झूसित्ता सर्हि भत्ताई अणसणाए छेइत्ता आलोइयपडिकन्ते समाहिपत्ते कालमासे कालं किच्चा सोहम्मे कापे देवत्ताए उववन्ने ॥
से णं ताओ देवलोगाओ आउक्खएणं भवक्खएणं ठिइक्खएणं अणन्तरं चयं चइत्ता माणुस्सं विग्गहं लहिहिइ, २
