________________
८०
विवागसुयंसि
केवलं बोहि बुज्झिहिइ, २ तहारूवाणं थेराणं अन्तिए मुण्डे [जाव पव्वइस्सइ । से णं तत्थ बहूई वासाइं सामण्णं पाउणिहिइ । आलोइयपडिकन्ते समाहिपत्ते कालगए सणंकुमारे कप्पे देवत्ताए उववने । से णं ताओ देवलोगाओ [0] माणु स्सं । पव्वज्जा । बम्भलोए । माणुस्सं । तओ महासुक्के । तओ माणुस्सं। तओ आणए । तओ माणुस्सं । तओ आरणे। तओ माणुस्सं । सवठ्ठसिद्धे । से णं तओ अणन्तरे उव्वट्टित्ता महाविदेहे वासे जाइं अडाइं[0]जहा दढपइन्ने[0]सिज्झिहिइ [५] । “एवं खलु, जम्बू, समणेणं [जाव संपत्तेणं सुहविवागाणं पढमस्स अज्झयणस्त अयमढे पन्नत्ते" ॥
२. दोच्चस्स उक्खेवो ॥
तेणं कालेणं तेणं समएणं उसमपुरे नयरे। थूभकरण्डे उज्जाणे । धन्नो जक्खो । धणावहो राया । सरस्सई देवी। सुमिणदंसणं कहणं जम्मणं चालत्तणं कलाओ य, जोव्वर्ण पाणिग्गहणं दाओ पासाय भोगा य जहा सुबाहुस्स । नवरं भद्दनन्दी कुमारे । सिरिदेवीपामोक्खाणं पञ्चसयाणं। सामीसमोरणं । सावगधम्मं । पुत्वभवपुच्छा ॥ महाविदेहे वासे पुण्डरीकिणी नयरी । विजयए कुमारे। जुगवाहू तित्थयरे पडिलाभिए । मणुस्साउए निबद्धे । इहं उप्पन्ने । सेसं जहा सुवाहुस्स [जाव] महाविदेहे वासे सिज्झिहिइ [५] ॥
तच्चस्स उक्खेवो ।
वीरपुरं नयरं । मणोरमं उजाणं । वीरकण्हमित्ते राया । सिरी देवी। सुजाए कुमारे । बलसिरीपामोक्खा
