________________
७८
विवागसुयंसि "पभू णं भन्ते, सुबाहुकुमारे देवाणुप्पियाणं. अन्तिए मुण्डे भवित्ता अगाराओ अणगारियं पव्वइत्तए ?" ॥ _ " हन्ता, पभू"।
तए णं से भगवं गोयमे समणं भगवं [0] वन्दइ नमसह। २ संजमेणं तवसा अप्पाणं भावेमाणे विहरइ । तए णं से समणे भगवं महावीरे अन्नया कयाइ हथिसीसाओ नय. राओ पुप्फगउज्जाणाओ कयवणमालजक्खाययणाओ पडिनिक्खमइ २ बहिया जणवयविहारं विहरइ । तए णं से सुबाहुकुमारे समणोवासए जाए अभिगयजीवाजीवे (जाव] पडिलामेमाणे विहरइ ॥
तए णं से सुबाहुकुमारे अन्नया कयाइ चाउद्दसट्टमुद्दिपुण्णमासिषीसु जेणेव पोसहसाला तेणेव उवागच्छइ, २ पोसहसालं पमज्जइ, उच्चारपासवणभूमि पडिलेहेइ, २ दब्भसंथारगं संथरइ, २ दब्भसंथारं दुरुहइ, २ अठमभत्तं पगिण्हइ, २ पोसहसालाए पोसहिए अट्ठमभत्तए पोसहं पडिजागरमाणे विहरइ ॥
तए णं तस्स सुबाहुस्त कुमारस्स पुव्वरत्तावरत्तकालसमयंसि धम्मजागरियं जागरमाणस्स इमेयारूवे अज्झथिए [५] “धन्ना णं ते गामागरनगर [जाव] संनिवेसा जत्थ णं समणे भगवं महावीरे [जाव] विहरइ । धन्ना णं ते राईसरतलवर[०] जे णं समणस्स भगवओ महावीरस्स अन्तिए मुण्डा [जाव पव्वयन्ति । धन्ना णं ते राईसरतलवर॰ [0] जे णं समणस्स भगवओ महावीरस्स अन्तिए पञ्चाणुव्वइयं [जाव] गिहिधम्म पडिवज्जन्ति । धन्ना णं ते राईसर [जाव जे णं समणस्स भगवओ महावीरस्स अन्तिए धम्म सुणेन्ति ।
