________________
६९२ विजयप्रशस्त्याम् । रवसुवर्णयोरिव योग संबन्धमैकाधिकरण्यलक्षणं, सृजन् कुर्वन् , धाता वेधाः, रत्नविडम्बकः "रत्नदोषी विधाता" इति स्वीयं दूषणं यद् वर्तते,वयमिति विद्मः किं तत् पिधत्ते स्माऽऽच्छादयति म?, इति स्वं कलङ्कं किं निराकरोत् १, इति तत्त्वम् ॥ ६३ ॥ अथ गुरोः सर्ववर्णनपूर्वकमाशीर्वादस्तथाहिपुरे पुरे भूरिमहेभ्यसभ्य- . · वदान्यराजन्यकराजमान्यैः । जनैः कृताऽतुच्छमहोत्सवौधै
धन्यैरजन्यैरभिगम्यमानः ॥ ६४ ॥ पुरे पुरे तुम्बुरुकिंनरस्वरै
गन्धर्ववगैः कृतगीतगानः । पुरे पुरे पौरमहीमहेन्द्रैः . प्रदीयमानाऽनभिमानमानः ॥ ६५ ॥ संस्तूयमानोऽनघसङ्घलोकै
रिवाऽब्जिनीशोऽखिलवालिखिल्यैः। अभ्यर्चितः काञ्चनरूप्यपुष्प
रूपैः सुरूपैः सुरवृक्षवच्च ॥ ६६ ॥ श्रीभारतं खण्डमखण्डमेतत्
प्रोल्लासयन् पङ्कजिनीशितेव । तमो हरन् विश्वगतं समन्ता- चिरं जयत्येष गुरुगरीयान् ॥ ६७ ॥
गुरुः किं०, पुरे पुरे नगरे नगरे, स्थाने स्थाने वा; जनैः, किं०, भूरिंमहेभ्या वहुधनाढ्याः,पुनः, सभ्याः सभास्तारः, पुनः,
