________________
एकविंशः सर्गः ।
६८५
भग्न इति ॥ ३९ ॥ गुरोः किं०, गुणसंभारभ्राजिनः गुणसमूहशालिनः, वचसा वाक्येन स विरोधः, सामजन्मना हस्तिना, भूमिजन्मा तरुरिव, अभज्यततमां वम्भज्यते स्मेति ॥ इति युग्मव्याख्या ॥ ४० ॥
तत्र कृत्वा चतुर्मासीं निवासं धर्मकर्मणाम् । चकार सूरिराट्प्रष्ठः प्रतिष्ठानां चतुष्टयम् ॥ ४१ ॥
धर्मकर्मणां सुकृतकृत्यानां निवासं चतुर्मासीं तत्र कृत्वा पारण के सूरिरामष्ठो भट्टारकमुख्यः, प्रतिष्ठानां चतुष्टयं जिनविम्बस्थापनाचतुष्कं द्वयं तु माघे, द्वयं तु वैशाखे चकार कृतवानिति ॥ ४१ ॥
माहेन्द्रा उत्सवा एते किंवा नन्दीश्वरोत्सवाः ? | वीक्ष्येति दक्षा व्याचख्युस्तत्प्रतिष्ठामहामहान् ॥४२॥
तत्प्रतिष्ठानां महामहान् महोत्सवान, वीक्ष्य, दक्षाः पण्डिताः, इति व्याचख्युः इति कथयन्ति स्मः तदेव पूर्वार्धेनाह - एते प्रतिष्ठोत्सवाः किं माहेन्द्राः उत्सवाः इन्द्रोत्सवाः १, किंवा नन्दीश्वरोत्सवाः नन्दीश्वरद्वीपे देवैर्निर्मीयमाणा अष्टाह्निकोत्सवा: १; इदं विशेषणद्वयं तासां प्रतिष्ठानां सर्वातिशायित्वख्यापनपरमिति भावः ॥ ४२ ॥
अथ गुरुकृतसुकृतकृत्याद्युपसंहर्तुकामस्तद्गच्छवर्ति परिकरादि च व्याख्यातुकामः प्राहइत्याद्यनेकसद्धर्मकर्मनिर्माणकार्मणम् । श्रीगुरोर्वचनं चारु रेजे चतुरचित्तहृत् ॥ ४३ ॥
इत्यादीनि उक्तपूर्वाणि अनेकानि यानि सद्धर्मकर्माणि दीक्षाप्रतिष्ठाप्रभृतीनि तेषां निर्माण निष्पादने कार्मणं वशी
