________________
विजयप्रशस्त्याम् ।
अथाऽधुना, तत्र बन्दिरे गन्धारनानि, गुरुः किं०, असीममुद् निरर्गलप्रमोद इति, चावीं रुचिरां, चतुर्मासीं सृजन् कुर्वन्, दिवाकर इव गोभिः किरणैर्वाणीभिश्च पद्मोल्लासं पद्मायाउल्लासं, पक्षे कमलानामुल्लासम् अकरत् कुरुते स्मेत्यन्वयगमनिका ॥ १ ॥
-६५८
"
कामं कुवलयोल्लासरचनाद् वचनाद् गुरोः । महैः साऽभूत् पुरी पूर्णा पूर्णेन्दोरिव पूर्णिमा ॥ २ ॥
गुरोर्वचनात् पूर्णेन्दोः पूर्णचन्द्रादिव, किं०, कामं प्रकामं, कुवलयोल्लासस्य चन्द्रविकाशिनीलोत्पलोल्लासस्य, पक्षे भूवलयोल्लासस्य रचनं निर्मापणं यस्मात् तस्मात् कुवलयोल्लासरचनात् सा पुरी गन्धारनानी नगरी, पूर्णिमा राकेव, महस्तेजोभिरुत्सवैश्व, पूर्णाऽभूदिति ॥ २ ॥
नानामहोत्सवोत्साहमयं मासचतुष्टयम् । सूरीशः पूरयामास वासरं भानुमानिव ॥ ३ ॥
तत्र मासचतुष्टयं चतुर्मासीं, किं०, नानामहोत्सवैर्विचित्रोत्सर्वैरुत्साहैश्व, लोकानामिति गम्यम्, तन्मयं तत्प्रधानम्, अत्र प्राधान्ये यद्, सूरीशः श्रीविजय सेनगुरुः, भानुमान् सूर्यः, वासरमिव पूरयामासेति ॥ ३ ॥
प्रान्ते तत्र तपागच्छश्रेष्ठो ज्येष्ठस्थितेरथ । चक्रे प्रतिष्ठामुत्कृष्टमहिमां बहुभिर्महैः ॥ ४ ॥
अथ तत्र तपागच्छश्रेष्ठो गुरुः, ज्येष्ठस्थितेः प्रान्ते चतुर्मासकपारणके, बहुभिर्घनैः, महैः, प्रतिष्ठां किं०, उत्कृष्टमहिमाम्, आकारान्तो महिमाशब्दोऽस्तीति, चक्रे कृतवानिति ॥ ४ ॥
इतश्च वसुधावध्वा भालभालविभूषणम् ।
