________________
एकोनविंशः सर्गः। - यस्मिन् कि०, श्रीतपगच्छवल्लिजलदें तपागणलतामेधे तद्विस्तारहेतुत्वादिति, क्ष्मातलं अलङ्कुर्वति सति भूतलालङ्कारे भवति सति, चैत्यादीनां उद्धरणैर्जीर्णोद्धारैः, पुनः, व्रतानुसरणैः पञ्चमहाव्रततुर्यव्रतद्वादशवताद्याचरणैः, पुनः, सन्मानदानोत्सवैः गुरुदेवादिबहुमानवस्त्रपात्रमदानाद्युत्सवैः, भगवतां तीर्थकृताम् , शासनं किं०, सद्वासनं शोभनभावनम् , एकच्छत्रमिवाऽभवत् , किं बहुना १, श्रीजिनशासनं यस्मिन् गुरौ सति साक्षादर्शीकातपत्रमिव जातमिति तत्त्वम् ॥ २१॥ श्रीवत्सध्वजमत्स्यचक्रकुलिशच्छत्राङ्कुशाम्भोरुहा
म्भोधिस्वस्तिकचामरद्विपनिपट्टीपादिचिह्नाञ्चिते । ये नित्यं नमतां भवन्ति वशगा राज्यद्धयः सिद्धयस्ते सूरेस्त्रिदशस्तुते सुजयतामानन्दिके पादुके ॥२२॥
ये श्रीहीरविजयसूरीश्वरपादुके कि०, श्रीवत्सोऽष्टमङ्गलमध्यवर्ती, ध्वजः केतुः, मत्स्यो मीनः, चक्रं रथाङ्गं, कुलिशं बजं, छत्रं प्रतीतम् , अङ्कुशः सृणिः, अम्भोरुहं कमलम् , अम्भोपिः समुद्रः, स्वस्तिकः प्रसिद्धः, चामरं प्रतीतं, द्विपो हस्ती,निपः कलशः, द्वीपो जम्बूद्वीपादिः, आदिशब्दात् यूपस्तूपोडुपविटपिमन्दिरतुरगगिरिवरादिग्रहः, तेन श्रीवत्सध्वजमत्स्यचक्रकुलिशच्छवाडशाम्भोरुहाम्भोधिस्वस्तिकचामरद्विपनिपद्वीपादीनि चिह्नानि लाञ्छनानि तैरञ्चिते कलिते, नमतां नराणां राज्यईयः साम्राज्यश्रियः, सिद्धयोऽष्टौ चारुणिमादयः, वशगा भबन्ति, ते सूरेस्तस्य पादुके किं०, त्रिदशैर्देवैः स्तुते सुजयतां खिति सर्वप्रकारेण जयतां जयिन्यौ भवतामिति काव्यार्थः । अत्राष्टकस्यैवोपयोगाद् नवमं वृत्तं ग्रन्यकृन्नामाङ्कितं न विवृतम् , अष्टकमेव विद्वतमिति ॥ २२ ॥
