________________
५८८
विजयप्रशस्त्याम् । भान्ति स्म तत्राद्भुतमात्मदर्शा
न्यस्ताः प्रतिस्तम्भमुदारभासः । साक्षादिवोद्योतकृते समस्ता
अस्तान्धकारास्तपनाः समीयुः ॥ ३८ ॥ . · तत्र प्रतिस्तम्भं न्यस्ता आत्मदर्शा दर्पणाः, किं०, उदारभासः स्फारतेजसः, भान्ति; उद्योतकृते आलोककरणाय, समस्ताः किं तपनाः मूर्याः, किं०, अस्तान्धकाराः प्रहततमसः, समीयुरिवेत्युत्प्रेक्षा ॥ ३८ ॥
चन्द्रोदयैस्तत्र विचित्रचित्रै- रेजेतमामुज्ज्वलमण्डपोऽत्र । व्योम्नस्तलादुत्तरदस्ति पुष्पं
रूपैरनेकैरिव वर्णनीयैः ॥ ३९ ॥ अत्र नगरे सं उज्ज्वलमण्डपः, चन्द्रोदयैर्वितानैः, किं०, विचित्राणि विविधानि चित्राणि चित्रकृचित्रितानि नरनारीतुरगमकरमृगशरभऋषभकुञ्जराऽजगरगिरितरुरुरुप्रभृतिभक्तिशक्तिशूलतोमरमुद्गरकुठारपशुपरिघपाणिप्रभूतस्फरास्फाराडम्बरफरजीरूपाणि येषु तैर्विचित्रचित्रैः, अथवा विचित्रचित्रै नाश्चर्यकारिभिः, रेजेतमाम् , अत्र प्रकृष्टेऽर्थे तरतमाविति व्याकरणप्रयोगात् अतिशोभते स्मेति, अनेकैः, पुनः, वर्णनीयैः श्लाघनीयै रूपैः, "पुष्पं धनदस्य विमाने" इत्यनेकार्थत्वात् पुष्पं पुष्पकाभिधानं, विमानं व्योम्नस्तलाद् नभस्तलात् , उत्तरत् अस्तीत्युत्प्रेक्ष्यते ॥ ३९ ॥
दिव्यैर्दुकूलैः कलधौतकान्ता. .. लङ्कारभारैर्मणिमौक्तिकैश्च ।
