________________
५७६. विजयप्रशस्त्याम् ।
जहोस्तनूजेव पिनाकपाणे. . . .
मूर्धानमाप्तेन्दुकलाविलासा ॥ ८ ॥ - यस्य श्रीमल्लनाम्नः श्राद्धस्य कीर्तिः, पिनाकपाणेः शम्भोः, मूर्धानं जद्दोस्तनूजेव गङ्गेव, किं०, अर्तेः क्षयकरी, पुनः, विशदावताराशुभ्रत्वात् , पुनः, अत एव आप्तः सत्यः इन्दुकलावद् विलासो यस्याः सा, गङ्गापक्षे आप्तः प्राप्तः इन्दुकलानामेकस्थानवनित्वाद् विलासो लीला ययेति सा, समस्तं विश्व व्यामोतीति ॥८॥
दानरमानैः प्रसभासमानैः . पुण्यानुरागैर्गरिमाऽमरागैः । यः श्रेष्ठिशिष्टः कलयन्निहास्ति
ख्याति ग्रहेष्वर्क इव प्रजासु ॥ ९॥ ___ यः श्रेष्ठिशिष्टः अमानैर्घनैः दानैः, किं०, प्रसभमसमानैनिरुपमैः, पुनः, पुण्याऽनुरागैर्धर्मरागैः, किं०, गरिमाऽमराऽगैर्माहात्म्यमेरुभिः, ग्रहेषु अर्क इव प्रजासु लोकेषु, ख्याति कलयन्नस्तीति ॥९॥ दानाऽऽदिभिर्यः सुकृतैर्विभाति
चतुर्भिरिभ्योत्तम उन्नताभैः। उन्मूलयन् क्लेशलतावितानं
दन्तैरिवाऽस्वप्नपतिद्विपेन्द्रः ॥ १० ॥ यः श्रीमल्लः, इभ्योत्तम आढ्यमुख्यः, दानादिभिश्चतुर्भिःसुकृतैर्दानशीलतपोभावैः, दन्तैः अस्वमपतिद्विपेन्द्रः इन्द्रहस्तीव, सुकृतैर्दन्तैश्च कि०, उन्नता आभा शोभा येषां तैरिति, किं कुर्वन् , क्लेशलतानां वितानं समूहम्, उन्मूलयन् विभातीत्युक्तिलेशः॥१०॥
