________________
५७० विजयप्रशस्त्याम् । सिक्ता भूर्मदवारिभिर्मुगमदस्तोमैरिवोत्सौरभैः । कुम्भेभ्यः प्रचुरैः पतद्भिरभितः सिन्दूरपूरैरभूद् भू रक्ताभिनवैर्भरैरिव रुचां पाथोजिनीप्रेयसः ॥ ५७ ॥ . प्रभोः प्रवेशसमयेऽभिमुखं आगच्छद्भिः दन्तावलैः हस्तिभिः, किं०, अगोपमैः पर्वतप्रायैः, मदवारिभिः मृगमदस्तोमैरिव उत्सौरभैः प्रवलसौरभ्यैः, भूः सिक्ता; तथा पाथोजिनीप्रेयसः सूर्यस्य उद्गच्छत्त्वात अभिनवैः रुचा भरैरिव कुम्भेभ्यः पतद्भिः प्रचुरैः सिन्दूरपूरै— रक्ताऽभूदिति, कचिदिति गम्यम् ॥ ५७॥ रङ्गदिस्तुरगैः प्रभोः प्रविशतः पुर्या तदाऽध्या बभौ स्कन्धावार इव प्रमोदपृथिवीनाथस्य सार्थोन्नतेः। आसीत् पुण्यमनोरथैरिव रथै रथ्या सुरथ्या तदा देवैद्यौरिव वर्यवेषवसनैलॊकैः पुरं तद् बभौ ॥ ५८ ॥
तदा तत्र क्षणे, पुर्या प्रभोः प्रविशतः अध्वा मार्गः, रङ्गद्भिरुच्छलद्भिः, तुरगैर्बभौ शोभते स्म, इवोत्प्रेक्ष्यते-प्रमोदपृथिवीनाथस्य स्कन्धावारो राजधानी, कीदृशस्य, सार्था उन्नतिः, अथवा सार्थस्य समुदायस्योन्नतिर्यस्येति; तथा तदा रथ्या पुण्यमनोरथैरिव रथैः सुरथ्या सार्थिका, आसीद् जाता, तथा वर्यवेषस्य वसनं आच्छादनं येषां तैः,लोकैः पौरैः, तत् पुरं द्यौः स्वर्गः, देवैरिव वभौ ।। ५८ ॥ पुर्या तत्र तदा प्रभोः प्रविशतः प्रोत्तम्भितैश्चत्वरे . रेजे काञ्चनकुम्भशालिभिरलं श्रीकारणैस्तोरणैः । बिभ्रत्यः कलसान् जलैर्गतमलैः पूर्णान् स्त्रियोऽभ्यागमन रूपैर्भूरिभिरष्टसिद्धय इव स्वःकुम्भभृन्मस्तकाः ॥५९॥
