________________
पोडशः सर्गः। तृतीयप्रतिष्ठाऽधिकारमाहतत्राभूलहुआऽभिधः सदभिधः श्राद्धः सुधर्मैकधी-. रहद्वाक्कतकेन पावनमनःपाथाः सनाथः श्रिया । बिम्बं कारितवांश्च स स्वविभवैः श्रीवैश्वसेनिप्रभोः . सन्मम्माणिखनेर्दलेन दलितक्लेशः सदोदारदृक् ॥३२॥ . तत्र सिकन्दरपुरे, लहुआऽभिधः सदभिधः सत्ख्यातिः, श्राद्धोऽभूत् , स श्रीवैश्वसेनिप्रभोः शान्तः, सन्मम्माणिखनिदलेन स्वविभवैर्षिम्बं कारितवान् , स कि०, अर्हतां वागेव कतकं तेन पावनं मनःपायो यस्येति सः, शेषं स्पष्टम् ॥३२॥ सङ्घखान्तशिखण्डिशावसुखदैर्वृन्दैरिवाम्भोभृतां विश्वानन्दकरैर्महामहभरैः प्रष्ठां प्रतिष्ठां तदा। तस्यात्यद्भुतवैभवव्रजभुवो देवस्य दिव्यश्रियः सान्द्राऽऽनन्दनिबन्धनेऽहनिशुभे श्रीसूरिसिंहो व्यधात्३३ ___तदा बिम्बनिष्पत्तेरवसरे, तस्य दिव्यश्रियो देवस्य श्रीशान्तः, प्रतिष्ठां श्रीसूरिसिंहो महामहभरैः प्रष्ठां शुभेऽहनि व्यधात् ; महभरैः किं०, सङ्घस्य स्वान्तमेव शिखण्डिशावो मयूरबालस्तस्य सुखदैः अम्भोभृतां मेघानां वृन्दरिव, तथा विश्वानन्दकरैरिति, देवस्य किं०, अत्यद्भुतस्य वैभवव्रजस्य भुवः स्थानस्येति, अहनि किं०, सान्द्रानन्दस्य निबन्धने निदाने ॥३३॥
तस्यां प्रतिष्ठायामन्यत् किं कृतवान् ? तदाहतस्मिन्नेव दिने दिनेशमहसां मित्रे सदामोदभृत्पद्मोल्लासिनि विज्ञनन्दिविजये श्रीवाचकीयं पदम् । सूरीन्द्रः प्रददौ सदोदयकरी विद्यामिवावद्यहां
