________________
५३९ विजयप्रशस्त्याम् ।
विभ्राजते जगति यद्गुरुराज्यनीतिः॥१०॥ यद्गुरुराज्यनीतिर्विभ्राजते, कथं शक्रस्येयं शाक्री सभेव कीदृशी, विबुधानां पण्डितानां, पक्षे देवानां स्थितिर्यस्यां सा, तथा कान्तेव उत्तमं आस्यं मुखं यस्याः सा, पक्षे उत्तमानां आस्या स्थितिर्यस्यां सा, तथा देवतटिनीव महाव्रतीहेति स्पष्टम् ; तथा सिन्धोः सुतेव पुरुषोत्तमानां दत्तो हों यया, पक्षे पुरुपोत्तमस्य हरेरिति ॥ १० ॥
यः प्राप्य हीरविजयव्रतिराजराज्यं __ शोभां बिभर्ति भृशमस्ततमःसमूहः । स्तोमैर्गवां कुवलयोत्सवहेतुरुच्चैः
पक्षं शितीतरमिवौषधिजीवितेशः ॥ १०१॥ यः श्रीसूरिः श्रीहीरविजयतिराजस्य राज्यं प्राप्य शोभा विभर्ति,कः कमिव,शितीतरं शुक्ल पक्षं प्राप्य औषधिजीवितेशश्चन्द्रइव, सूरिश्चन्द्रश्च किं०, अस्तः तमसः पापस्य अन्धकारस्य च समूहो येन सः, तथा गवां वाचां किरणानां च स्तोमैन्दैः कुवलयस्य भूवलयस्य कुवलयानां चोत्पलानां उत्सवहेतुरिति; शेष सुगमम् ॥ १०१॥ जज्ञे राज्ञि नवे प्रभौ व्रतवतां सद्योऽमृतध्वंसकृद् नोद्वेगस्तमसो भियामयमभूद् न स्फूर्तिमान विस्मयः। एतचित्रमतीव विस्तरवती वार्ता वरां गाहते यत् सङ्गं सकलाः कला विदधिरे कामोत्सवे हेतवः॥१०२॥
व्रतयतां मुनीनां प्रभौ अस्मिन्नव्ये राज्ञि सति, तमसो राहोः पापस्य च, भियां उद्वेगो न जज्ञे, कीदृशः, अमृतस्य मोक्षस्य, पक्षे सुधाया ध्वंसकृत् अयं न विस्मयोऽस्तीति, कथं नव्ये
