________________
द्वादशः सर्गः।
४३७ सहजः फयजीनामा मधुव्रत इवाऽऽगमत् । गुरोः क्रमपयोजन्म मूलमामोदसंपदाम् ॥६७॥ तत्र लोधिआणाग्रामे, मुद्गलस्वामी यः श्रीअकब्बरशाहिस्तस्य श्रीअकबरभूभुजो राज्ञः, अशेषाः समस्ता ये धोसखा मन्त्रिणस्तेषामधीशस्य शेखसंज्ञकमन्त्रिणः शेखाऽऽख्यमहामन्त्रिणः ॥६६॥ सहजो भ्राता, फयजीनामा महामुद्गलो दशसहस्रसैन्याधीशः, स गुरोः क्रमपयोजन्म पादपङ्कजं, किं०, आमोदस्य गन्धस्य हर्षस्य च मूलं, मधुव्रतो भृङ्ग इवाऽऽगमत् ॥ इति युग्मव्याख्या ॥ ६७॥
तदाग्रहवशात् तत्र श्रीनन्दिविजयाभिधः।
असाधयत् सुधीरष्टावधानान्यन्तिषद् गुरोः॥६८॥ - तदाग्रहवशात् तस्य फयजीनाममुद्भलपतेराग्रहाद्, गुरो, अन्तिपत् शिष्यः, श्रीनन्दिविजयाख्यः सुधीविबुधः, अष्टावधानानि असाधयत् ॥ ६८॥ स एनां तत्कलां दृष्ट्वा चमत्कारमवाप यम् । नाऽध्वा तत्र गिरां ज्ञानां मानेऽम्भोधेरपामिव ॥६॥
स फयजीनामा, एनां तत्कलां अष्टावधानरूपां, दृष्ट्वा यं चमत्कारम्, अवाप प्राप्तवान् , तत्र चमत्कारे, ज्ञानां गिरांवाचाम्, अध्वा मार्गो नास्ति । दृष्टान्तमाह-अम्भोधेः समुद्रस्य, अपां पाथसां, माने प्रमाणे, यथा वचनागोचरत्वं तथाऽत्रापीति भावः।।६९।।
तत्कौतुकं वहन्नन्तः स शाहेः सन्निधिं ययौ। .
अपां भारं दधत् पाथोधरो भागं भुवामिव ॥७॥ तदष्टावधानावलोकनजातं कौतुकं मनोऽन्तर्वहन् स फयजीनामा शेखसहोदरः, शाहेः श्रीअकबरस्य, संनिधि समीपं, ययौ।
