________________
४१६ . विजयाशस्त्याम् । नृपतेस्तनूजः श्रीअकबरशादिः, सपश्रयं सविनयं, पत्रं फु. रमानपत्रकं, जिघाय प्रेषितवान् ॥ ७५॥ 'तल्लिखितोदन्तो यथाआदास्यतेऽथाऽस्य करो मदीये
राज्ये न निर्णीतिमतेति कामम् । .. युष्मत्प्रियं पावनपुण्डरीक
तीर्थ मया प्राभृतकं कृतं वः ॥ ७६ ॥ अस्य तीर्थ स्य, करो दण्डः, मदीये राज्ये केनापि नादास्यते इति निर्णीतिमता मया, अथ युष्मत्प्रियं भवतां वल्लभं, पावनपुण्डरीकतीर्थ पवित्रशत्रुञ्जयतीर्थ, वो युष्माकं, प्राभृतकं वृतं करमोचनपूर्वकं दत्तमिति ॥ ७६ ॥ तेन भवद्भिः किं कर्तव्यम् ?, इत्याहकृत्वा कृपामक्रशिमानमुच्चैः
पूज्यैरथो मय्यनुभाविचित्तैः । । खः श्रीधरः पट्टधरः प्रहेयो
नित्यं तमोघ्नो नरकस्य हन्ता ॥ ७७ ॥ अथ पूज्यैः किंलक्षणैः, मयि मद्विपये, अनुभाविचित्तैनिश्चयवन्मानसर्मयि सस्नेहैः, अक्रशिमानं कृशत्वरहितां बहीमिति यावत् , कृपां कृत्वा स्वः पट्टधरो निजपट्टभृत् , किं०, श्रीधरः शोभाभृत् , पक्षे विष्णुः, किं०, नित्यं तमोन्नः पापहरः, पक्षे तमो राहुस्तमोगुणो वा तद्भेदकत्वात् तमोघ्नः, पुनः, नरकस्य निरयस्य, हन्ता, पक्षे नरकस्य दैत्यविशेषस्य, हन्ता इति श्लेषालङ्कारः॥ ७७॥
