________________
'३५२
विजयप्रशस्त्याम् ।
१६४२ इतिसंख्ये संवत्सर, कि०, सुखस्योत्कर्षो यस्मिन् तस्मिन् सुखोत्कर्षिणि, पुनः, हर्षवर्षिणि प्रमोददायिनि, लोकहिताय लोकानामीहिताय वाञ्छितपूरणाय, अथवा लोके लोकविषय, हितायाऽऽनुकूल्याय, स मूरिराचार्यः, पुनः चतुर्मासकद्वयादनन्तरं, तृतीयं चतुर्मासकं कर्तुकामः पत्तने नगरे, पुनरेतः प्रा. तः, किं०, अर्क इव प्रतापभृत् तेजस्वित्वात् ॥ २ ॥ दुष्पाक्षिकोलूकसहस्ररश्मिभिः
श्रीसागरैर्वाचकधर्मसागरैः । क्लप्तस्य शास्त्रस्य हरेरिव श्वभिः
सूरेविवादः सममौष्ट्रिकैरभूत् ॥ ३ ॥ वाचकधर्मसागरैः, किं०, दुष्पाक्षिकाः कुपाक्षिका एव उलूका घूकास्तेषु सहस्ररश्मिभिः, पुनः, शास्त्रादिश्रियः सागरैः, क्लप्तस्य शास्त्रस्य प्रवचनपरीक्षाभिधानस्य, विवादः सूरेः श्रीविजयसंनस्य, औष्ट्रिकैः खरतरैः, सममभूत् । कैः सह कस्येवेत्याहहरेः सिंहस्य, इव यथा, श्वभिःश्वानरिति दृष्टान्त उत्प्रेक्षा वा ॥३॥ ततो विवादे किं जातमित्याहपार्षद्यहृद्ये सदसि क्षमेशितु
दत्रियामारमणैर्दिनैर्महान् । श्रीस्मेरराजीवगेककार्मणं
तत्राऽप्यनूचानपतेरभूज्जयः ॥ ४ ॥ क्षमेशितुर्भूपस्य, सदसि, कि०, पार्षद्यैः सभ्यैहृद्ये रम्ये, अत्र सदःशब्दस्य स्त्रीक्लीबलिङ्गत्वाद् विशेषणमिदमदुष्टमिति, दिनः किं०, वेदाश्चत्वारः, त्रियामारमणश्चन्द्रश्चैकः, ततो वामगतिमीलितेवेंदचन्द्राश्चतुर्दशभिः, दिनैर्विवादं कुर्वतो
