________________
३१६
विजयप्रशस्त्याम् |
विलासिनीगीतविनीतगीतः । अयं जयश्रीकरपीडनाह्वो
महो महांस्तत्र पुरे प्रजातः ॥ ५० ॥
स्वर्लोको अमर्त्यलोकः भूलोको मर्त्यलोकः भुजङ्गलोकः पाताललोकः तेषां विलासिनीभिः खीभिः गीतानि गानगोचरीकृतानि विनीतानि विनयगर्भितानि गीतानि गुणावदातरूपाणि यस्य सः जयश्रीकरपीडनाहः जयलक्ष्मीकरग्रहाख्यः, -अयं उक्तलक्षणः, महः किं०, महान् तत्र पुरे, प्रजातोऽ भूत् ।। ५० ।।
विचित्रवादित्र पवित्रपात्रविस्तारिशब्दैर्बधिरीकृताध्वा ।
भूयस्तमानन्दनिदानदान
प्रह्वाखिल श्रावकदत्तमानः ॥ ५१ ॥
सद्यो नवोढां जयकन्यकां तां
कान्तामनूचानवरो वरास्याम् |
कुलाङ्गनागीतमनोज्ञगीतो
लावा निजोपाश्रयमाजगाम ॥ ५२ ॥
विचित्राणि नानाप्रकाराणि यानि वादित्राणि भेरीमृदवीणावेणुप्रमुखाणि पुनः पवित्राणि च यानि पात्राणि राजनर्त्तकरूपाणि तेषां शब्दैः बधिरीकृतः अध्वा मार्गो यस्य सः, - पुनः किं०, भूयस्तमो अतिघनो य आनन्दो मोदः तन्निदानं कारणं यद्दानं तत्र प्रहैः आसक्तः अखिलैः सर्वैः श्रावकैः दतं मानं पूजालक्षणं यस्य सः ॥ ५१ ॥ एवंविधः कः किं च कृतवा
