________________
२६२ विजयप्रश्नस्त्याम् ।
संख्यासु नैकद्विमुखासु यैर्जना___ मुह्यन्ति वित्तैरिव गेहिकर्मसु । जज्ञेऽन्तिषत् स त्रिशतीमुखान् बहून्
ग्रन्थान् गरिष्ठान् गणितप्रपञ्चिनः ॥ १३ ॥ - येर्जना एकद्विमुखासु एकद्व्याद्यासु परार्द्धान्तासु संख्यासु न मुह्यन्ति, इव यथा, गेहिकर्मसु गृहस्थकृत्येषु, वित्तैः समृद्धजना न मुह्यन्ति, स अन्तिषत् शिष्यः, त्रिशतीमुखान् ग्रन्थान् किं०, गणितपपश्चिनः संख्याविस्तारिणः , तान् बहून् , जज्ञे ज्ञातवानिति ॥ १३ ॥ अर्थो भवद्भूतभविष्यदात्मको
जनेन यैर्ज्ञानवतेव वीक्ष्यते । विवेद शास्त्राणि स शाकुनानि सद्
वसन्तराजप्रमुखाणि भूरिशः ॥ १४ ॥ भवद्भूतभविष्यदात्मकोऽर्थः वर्तमानातीतानागतस्वरूपः पदार्थः, यर्जनेन लोकेन, ज्ञानवतेव ज्ञानिनेव, वीक्ष्यते ज्ञायत इति स शिष्यः, तानि वसन्तराजः शकुनशास्त्रविशेषस्तत्मभुखाणि वसन्तराजशकुनार्णवशकुनरहस्यशकुनपश्चाशिकाशकुनमदीपादीनि शास्त्राणि, विवेद वेत्ति स्मेति ॥ १४ ॥ चित्ते तदीये स्फटिकोपमे स्फुटं
सर्वात्मना सर्वविदां वचोऽहुतम् । पुरः स्थितं रूपमिवात्मदर्शके __ सद्यो विनाऽऽयाममवाप संक्रमम् ॥ १५ ॥ तदीये चित्ते, किं०, स्फटिकोपमे विशदत्वादच्छत्वाच्च,
