________________
२६१
सप्तमः सर्गः। सविषयीकृतसाहित्यादिकसकलशास्त्रश्रेणेरपि पण्डितस्य, परदर्शने, शैवशासने प्रवेशो न स्यादिति ॥ १० ॥ प्रेक्ष्येति पूज्यैः परमार्थकाङ्क्षिभि
स्तैः प्रेरितोऽध्यैष्ट कुशाग्रधीः सुधीः। प्रमाणसंज्ञानि बहूनि सत्वरं ___ शास्त्राणि चिन्तामणिमुख्यकानि सः ॥११॥ , इति पूर्वोक्तं, प्रेक्ष्य विचार्य, तैः पूज्यैः, किं०, परमार्थकातिभिस्तत्वार्थाभिलाषिभिः, स सुधीः, किं०, कुशाग्रधीदर्भाग्रतीक्ष्णबुद्धिः, पुनः किं०, प्रेरितः सन् चिन्तामणिमुख्यकानि श्रीमद्गङ्गेश्वरोपाध्यायविरचिततत्त्वचिन्तामणिमुख्यो येषु किरणावलीवर्द्धमानप्रशस्तपादभाष्यशशधरादिषु तदादीनि चिन्तामण्यादीनि, प्रमाणसंज्ञानि शैवतर्करूपाणि शास्त्राणि, सोऽध्यैष्टाऽधीतवानित्यर्थः । इति युग्मव्याख्या ॥ ११ ॥
ग्रहोदयास्ताहववैरसौहृदा
तिचारमुख्यप्रचुरोक्तिसूचकान् । ग्रन्थान् महाज्योतिषपण्डितप्रियान्
प्राज्यानपाठीदशठः स शिष्यराट् ॥ १२ ॥ ग्रहाणां अङ्गारकादीनां उदयश्चाऽस्तश्च आहवश्च वैरं च सौहृदं घ अतिचारश्च ग्रहोदयग्रहास्तग्रहाहवग्रहवैरग्रहसौहदग्रहातिचाराः, अत्र द्वन्द्वान्ते श्रूयमाणस्य प्रत्येकं संबन्धात् ग्रहशब्दस्यादौ प्रत्येकं संग्रहस्तेन ग्रहोदयास्ताहवरसौहृदातिचारमुख्या याउक्तयः किं०, प्रचुरा बड्यः, प्रचुरोक्तयस्तासां सूचकान् , पुनः, महाज्योतिषपण्डितप्रियान् महाज्योतिर्विद्वल्लभान्, पुनः, प्रा. ज्यान प्रभूतान , स शिष्यराट् अशठः सन् अपाठीत् पपाठेति॥१२॥
