________________
षष्ठः सर्गः। २३७ संसूचयन्निति किमुद्धतधामवह्नि___ रस्याऽमिलत् प्रविशतः पुरि धूममुक्तः। मद्दर्शनस्य फलमस्तपरप्रभावो
ऽमुष्योल्वणः प्रभविता परितः प्रतापः ॥१७॥ अस्य पुरि पत्तने, प्रविशतः, उद्धतं धाम तेजो यस्याऽसौ वह्निश्चेति कर्मधारये उद्धतधामवह्निरनिः, पुनः, धूममुक्तो निधूमः, आमलदित्यन्वयः। किमित्युत्प्रेक्षायां, इति संसूचयन् , इतीति किं, तदेवाह-अमुष्य एतस्य मुनेः, मदर्शनस्य इदं फलं भावि, तदाहअस्य उल्वण उत्कटं, पुनः, अस्तः क्षिप्तः परेषां प्रभावो येन सः, अस्य प्रतापः परितः सर्वतः, प्रभविता उत्पत्स्यत इति, भविष्यतीति ॥ १७ ॥ गङ्गेव पेशलपयाः शुचिगोविलासै
श्वेतश्चमत्कृतिकरी च सरस्वतीव । ज्योत्स्नेव निर्मिततमद्विजराजतुष्टि
गौरस्य वत्ससहिता मिलिता पुरस्तात् ॥१८॥ . अस्य मुनेः, वत्ससहिता सवत्सा, गौर्मिलितेत्यन्वयः।की. दृशी, पेशलं मनोहारि पयो यस्याः सा, केव, गङ्गेव, गङ्गापक्ष पयः पानीयं, गोपक्षे पयो दुग्धं, पुनः, सरस्वतीव शुचिगोविलासैश्वेतश्चमत्कृतिकरी; सरस्वतीपक्षे शुचय उज्ज्वला ये गोविलासा वाग्विलासास्तैः, गोपक्षे शुचिगोविलासाः शुचयः शुभ्रा गोविलासाः कान्तिविलासा धेनोर्धवलवर्णत्वादिति, अथवा गोविलासा धेनुविलासास्तैः, पुनः कीदृशी, ज्योस्नेव कौमुदीव, निर्मिततमा द्विजराजस्य महाब्राह्मणस्य, पक्ष द्विजराजस्य चन्द्रस्य तुष्टिर्यया सा गौर्मिलितेति ॥ १८ ॥
