________________
३३०
विजयाशस्त्याम् ।
ध्यावेति साधुशशिभिः शकुनानुकूल्या___ऽतुल्यक्षवारतिथियोगमनोहरेऽह्नि । शिष्योत्तमः प्रहित एष चचाल मूर्त
आद्यः पुमर्थ इव सुन्दरसाधुसार्थः ॥ ३ ॥ . इति ध्यात्वा तैः साधुशशिभिर्गुरुभिः, प्रहित एष शिष्योत्तमः, चचालाञ्चलत् ; कस्मिन् , अह्नि दिने, किं०, शकुनानुकूल्यं च अतुल्यानि यानि ऋक्षाणि अश्विन्यादीनि, वाराश्च रव्यादयः, तिथयः प्रतिपदादयः, योगाश्च विष्कम्भप्रमुखाः, अथवा योगा रवियोगराजयोगकुमारयोगप्रमुखाः, अथवाऽतुल्यक्षवारतिथीनां यो योगविकसिद्धियोगादिस्तेन ताभ्यां वा शकुनानुकूल्याऽतुल्यसंवारतिथियोगाभ्यां मनोहरे दिवसे । इवोत्प्रेक्ष्यते--आद्यःप्रथमः, पुमर्थः पुरुषार्थः, अर्थाद्धर्मः, अगवान् मूर्त इति, पुनः, सुन्दरसाधुसार्थ इति शिष्यविशेषणम् ॥ ३ ॥
अथ शकुनान् वर्णयतिपीनः पृथुः श्रवणयुग्ममनोज्ञमूर्धा
श्यामश्चतुश्चरणचारुरतुच्छपुच्छः । द्राक् संमुखं वलितकन्धरबन्धुरास्यो
वामः पथि प्रथमतः सरमासुतोऽगात् ॥ ४ ॥ पीनः पुष्टः, मांसोपचितत्वात् , अत एव पृथुविस्तीर्णः, अङ्गोपाङ्गादिभिरिति, पुनः, श्रवणयुग्ममनोज्ञमूर्द्धा श्रोत्रयुगलशालिशिराः, पुनः, श्यामो वर्णतः, वसन्तराजादौ श्यामः श्वानोऽतिवरीयानिति ज्ञायते, पुनः, चतुश्चरणैः चारुः, पुनः, अतुच्छे पुच्छं यस्य सः, पुनः, संमुखं अभिमुखं, तस्य शिष्यस्य संमुखं, वलितकन्धरं वलितग्रीवं यथा स्यात्तथा बन्धुरं आस्यं यस्य
