________________
२२८
विजयाशस्त्याम् । सनयविनयविद्याऽम्भोजिनीभृङ्गबालः । शिशुरपि जयसिंहः शुद्धबुद्धिः सुनन्दा
तनुरुह इव सद्यः शास्त्रपाठानपाठीत् ॥ ८९ ॥
गुरुचरणसरोजानां उपास्तेः सेवाया या लीला तत्र मरालो हंसः, तदासक्तत्वात् पुनः, सनयविनया या विद्या सेवाम्भोजिनी पद्मिनी तत्र भृङ्गबालो द्विरेफः, शिशुरपि नववर्षीयोऽपि, जयसिंहमुनिः सुनन्दातनुरुह इव वज्रस्वामीव, शुदबुद्धिः सन् , सद्यः शीघ्रं, शास्त्रपाठान् , अपाठीत् पठति स्मेत्यर्थः । अन्त्ये वृत्तत्रये मालिनीनाम च्छन्दः, तल्लक्षणं चेदम्"ननपयययुतेयं मालिनी भोगिलोकैः" इत्युक्तेः।। ८९ ॥
इतीति सर्व सुगमम् । इति सुविहितसमासार्वभौमसमानसकलपण्डितमण्डलीमौलिमालीयमानपण्डितश्रीकमलविजयगणिशिप्यमुख्यपण्डितपुरन्दरमख्यपण्डितश्रीविद्याविजयगणिविनेयवाचकश्रीगुणविजयगणिविरचितायां विजयमदीपिकामिधानधारिकायां श्रीविजयप्रशस्तिमहाकाव्यटीकायां पञ्चमः
सर्गोयतः समर्थितः।
