________________
पञ्चमः सर्गः ।
सहितं, स्मरमित्र कन्दर्पमित्र अद्भुतरूपं, नियमस्थितिमन्तं चक्रिरे दीक्षयामासुरित्यर्थः । इति काव्यत्रिकव्याख्या ॥ ८६ ॥ अखिलसुखलताया मूलमेवानुकूलं भुवनवशविधाने वर्णविद्यामनिन्द्याम् । विदधुरनघचित्ता विश्ववित्ता व्रतीन्द्रा
जयविमल इति श्रीधाम नामाऽस्य शस्यम् ॥८७॥
व्रतीन्द्रास्ते गुरवः, किं०, अनघचित्ता निर्मलमनसः, पुनः किं०, विश्ववित्ता जगत्मसिद्धाः, अस्य शिष्यस्य, जयविमलइति नाम विदधुरित्यन्वयः । नाम किं०, श्रीधाम, अत एव शस्यं श्लाघ्यं पुनः किं०, अनुकूलं मूलमेव, कस्याः, अखिलसुखलतायाः समस्तसुखवल्ल्याः, पुनः, भुवनस्य जगतो वशविधाने वशीकरणे, अनिन्द्यां वर्णविद्यामिवेत्यध्याहार्यम् ॥ ८७ ॥ गुरुरपि मुदितात्मा तस्य शिष्यस्य लाभात्
9
सविधशिव इवासीत् साधुधर्मस्य साक्षात् । प्रथममथ सं तस्थौ तच्चतुर्मासकं च
प्रचुरपरमपुण्यैः सुन्दरे बन्दिरेऽस्मिन् ॥ ८८ ॥
२२७
गुरुः श्रीविजयदानमूरिः, तस्य शिष्यस्य जयविमलस्य, लाभात् प्राप्तेः, मुदितात्मा आसीत् । क इव कस्येति दृष्टान्तं योजयति-- इव यथा, सविधशिवः आसन्नसिद्धिकः पुमान्, साधुधर्मस्य लाभात्तथेति । अथ च स गुरुः, प्रथमं तच्चतुर्मासकं प्रचुरपरमपुण्यैः सुन्दरेऽस्मिन्नेव बन्दिरे सुरतिनाम्नि, तस्थौ स्थित इति ॥ ८८ ॥ गुरुचरणसरोजोपास्तिलीलामरालः
