________________
तृतीयः सर्गः ।
तयोर्द्वयोर्दर्पिमनोमनोजविकारधिक्कारकरः परौजाः । यो द्योतयामास धनैर्महोभिः
११९
पट्टं प्रभावानिव पूर्वशैलम् ॥ ९ ॥
तयोर्द्वयोः श्रीसम्भूतविजयश्री भद्रबाहुस्वामिनोः, पहं प्रभावानिव भानुरिव, पूर्वशैलमुदयाचलं, घनैर्बहुभिः, महोभिस्तेजोभिरुत्सबैर्वा, यो द्योतयामासाऽभूषयत् । यः किं० दर्पि त्रैलोक्यजेतृत्वात् गर्ववन्मनो यस्यासौ मनोज श्वेतोभूस्तस्य यो विकारस्तस्य धिक्कारकरः तिरस्कारकृत्, अत एव त्रिभुवनजेतुः कन्दर्पस्य नेतृत्वात् परं प्रकृष्टं ओजो बलं प्रशस्तमनोबरूपं यस्य स इति ॥ ९ ॥
स स्थूलभद्रः प्रकरोतु भद्रं भद्राकृतिर्भद्रविहारभद्रः । यत्कीर्तिरद्याप्यतिकीर्त्तनीया
ज्योत्स्लेव विश्वं विशदं विधते ॥ १० ॥
स स्थूलभद्रो नामापश्चिमश्रुतकेबली सप्तमः पट्टधरः, भद्रं प्रकरोतु । कीदृशः, भद्रा प्रशस्यतरा आकृतिराकारो यस्य स भद्राकृतिः । पुनः किं०, भद्रं श्रेष्ठं विहाराद्विचरणाद् भद्रं मङ्गलं लोकानां यस्मात् सः, अथवा भद्रं साधु विहारो गमनं गतिरिति तेन साधुगमनेन भद्र इव वृषभ इव भद्रविहारभद्रः । अद्यापि अद्य यावत्, यत्कीर्तिः, किं० अतिकीर्चनीयाऽतिशयेन वर्णनीया, ज्योत्स्नेव कौमुदीव, विश्वं जगद्, विशदं विधत्ते कुरुते । यतस्तत्कीर्त्तिश्रुतेः पापमलमणाशाज्जगतो विशदीभवनं युक्तिमदेवेति ॥ १० ॥ इति युग्मव्याख्या ॥
