________________
पालका लेखशालिकाः, मम सहाध्यायिनो भाविन इति धिया सञ्चक्रिरे सक्रियन्ते स्मेति ॥ ९ ॥
अल्पैर्दिनैस्तत्र समस्तविद्या
संक्रान्तिरासीत् प्रतिभाप्रकाशे । कालः कियान स्यान्मुकुरे करस्थे
बिम्बस्य यातः प्रतिबिम्बभावम् ? ॥ ९१ ॥ तत्र बाले, कीदृशे, प्रतिभाया बुद्ध्याः प्रकाशः पाटवं यत्र तत्र, अल्पैर्दिनैः स्तोकैर्वासः, समस्तविद्यासंक्रान्तिः सकलशास्त्रज्ञानसंक्रमः, आसीजातवान् । दृष्टान्तेनामुमेवार्थ समर्थयति-मुकुरे दर्पणे, करस्थे हस्ततलगते सति, बिम्बस्य सङ्कमाईवस्तुनः, प्रतिबिम्बभावं प्रतिरूपता, यातो गच्छतः, कियान कालः स्यात् ? न कियानपीति हृदयम् ॥ ९१॥
यथा यथाऽयं भणति स्म सूनु
स्तथा तथा मुद्भवति स्म पित्रोः । मृगाङ्कमालोकयतः कलाढ्यं .
वारां निधेः किं न महासमृद्धिः ? ॥ ९२ ॥ अयं सूनुर्यथा यथा भणति स्म, तथा तथा पित्रोर्जननीजनकयोः, मुद्भवति स्म। एनमेवार्थ दृष्टान्तद्वारा दृढयति-मृगाङ्क हरिणध्वजं, कि० कलाढ्यं संपूर्णसकलकलं, आलोकयतो वारां निधेः समुद्रस्य, महासमृद्धिः कल्लोलोल्लाससंबन्धिनी किं न स्यात् १.अपि तु स्यादेवेति ॥ ९२॥ सुते समेते सति लेखशाला
गुरोहादात्मगृहं भणित्वा. .
