________________
73. पयडिटिदिअणुभागप्पदेसबंधेहिं सव्वदो मुक्को।
उडुं गच्छदि सेसा विदिसावज्जं गदिं जंति।।
74. खंधा य खंधदेसा खंधपदेसा य होंति परमाणू।
इदि ते चदुव्वियप्पा पुग्गलकाया मुणेयव्वा।।
75. खंधं सयलसमत्थं तस्स दु अद्ध भणंति देसो त्ति।
अद्धद्धं च पदेसो परमाणू चेव अविभागी।।
76. बादरसुहुमगदाणं खंधाणं पुग्गलो त्ति ववहारो।
ते होंति छप्पयारा तेलोक्कं जेहिं णिप्पण्णं।।
77. सव्वेसिं खंधाणं जो अंतो तं वियाण परमाणू। .
सो सस्सदो असद्दो एक्को अविभागि मुत्तिभवो।।
78. आदेसमेत्तमुत्तो धादुचदुक्कस्स कारणं जो दु।
सो णेओ परमाणू परिणामगुणो सयमसदो।।
79. सद्दो खंधप्पभवो खंधो परमाणुसंगसंघादो।
पुढेसु तेसु जायदि सद्दो उप्पादगो णियदो।।
80. णिच्चो णाणवकासो ण सावकासो पदेसदो भेत्ता।
खंधाणं पि य कत्ता पविहत्ता कालसंखाणं।।
(116)
पंचास्तिकाय (खण्ड-1) द्रव्य-अधिकार
