________________
65. अत्ता कुणदि सभावं तत्थ गदा पोग्गला सभावहिं।
गच्छंति कम्मभावं अण्णण्णोगाहमवगाढा।।
66. जह पुग्गलदव्वाणं बहुप्पयारेहिं खंधणिव्वत्ती।
अकदा परेहिं दिट्ठा तह कम्माणं वियाणीहि।।
67. जीवा पुग्गलकाया अण्णण्णोगाढगहणपडिबद्धा।
काले विजुज्जमाणा सुहदुक्खं देंति भुंजंति॥
68. तम्हा कम्मं कत्ता भावेण हि संजुदोध जीवस्स।
भोत्ता दु हवदि जीवो चेदगभावेण कम्मफलं।।
69. एवं कत्ता भोत्ता होज्जं अप्पा सगेहिं कम्मेहिं।
हिंडदि पारमपारं संसारं मोहसंछण्णो।।
70. उवसंतखीणमोहो मगं जिणभासिदेण समुवगदो।
णाणाणुमग्गचारी णिव्वाणपुरं वजदि धीरो।।
71. एक्को चेव महप्पा सो दुवियप्पो तिलक्खणो होदि। - चदु-चंकमणो भणिदो पंचग्गगुणप्पधाणो य॥
72. छक्कापक्कमजुत्तो उवउत्तो सत्तभंगसब्भावो।
अट्ठासओ णवठ्ठो जीवो दसठाणगो भणिदो।।
पंचास्तिकाय (खण्ड-1) द्रव्य-अधिकार
(115)
