________________
1. इंदसदवंदियाणं तिहुअणहिदमधुरविसदवक्काणं । अंतातीदगुणाणं णमो जिणाणं जिदभवाणं ।।
2.
3.
4.
5.
6.
7.
मूल पाठ
8.
समणमुहुग्गदमट्टं चदुग्गदिणिवारणं सणिव्वाणं । एसो पणमिय सिरसा समयमियं सुणह वोच्छामि ।।
समवाओ पंचण्हं समओ त्ति जिणुत्तमेहिं पण्णत्तं । सो चेव हवदि लोओ तत्तो अमिओ अलोओ खं ।।
जीवा पुग्गलकाया धम्माधम्मा तहेव आयासं । अत्थित्तम्हि य णियदा अणण्णमइया अणुमहंता ।।
जेसिं अत्थिसहाओ गुणेहि सह पज्जएहि विविहेहि । ते होंति अत्थिकाया णिप्पण्णं जेहि तइलोक्कं ।।
ते चैव अस्थिकाया तेक्कालियभावपरिणदा णिच्चा । गच्छंत दवियभावं
परियट्टणलिंगसंजुत्ता।।
अण्णोणं पविसंता देंता ओगासमण्णमण्णस्स । मेलंता वि य णिच्चं सगं सभावं ण विजहंति । ।
सत्ता सव्वपयत्था सविस्सरूवा अणंतपज्जाया। भंगुप्पादधुवत्ता सप्पडिवक्खा हवदि एक्का ।।
पंचास्तिकाय (खण्ड-1 ) द्रव्य - अधिकार
(107)
