________________
165. णाणं अप्पपयासं णिच्छयणयएण दंसणं तम्हा।
. अप्पा अप्पपयासो णिच्छयणयएण दंसणं तम्हा॥
166. अप्पसरूवं पेच्छदि लोयालोयं ण केवली भगवं।
जइ कोइ भणइ एवं तस्स य किं दूसणं होइ।
167. मुत्तममुत्तं दव्वं चेयणमियरं सगं च सव्वं च।
पेच्छंतस्स दु णाणं पच्चक्खमणिंदियं होइ॥
168. पुव्वुत्तसयलदव्वं णाणागुणपज्जएण संजुत्तं।
जो ण य पेच्छइ सम्मं परोक्खदिट्ठी हवे तस्स।
169. लोयालोयं जाणइ अप्पाणं णेव केवली भगवं।
जइ कोइ भणइ एवं तस्स य किं दूसणं होइ॥
170. णाणं जीवसरूवं तम्हा जाणे, अप्पगं अप्पा।
अप्पाणं ण वि जाणदि अप्पादो होदि विदिरित्त।।
171. अप्पाणं विणु णाणं णाणं विणु अप्पगो ण संदेहो।
तम्हा सपरपयासं णाणं तह दंसणं होदि।।
172. जाणंतो पस्संतो ईहापुव्वं ण होइ केवलिणो।
केवलणाणी तम्हा तेण दु सोऽबंधगो भणिदो॥
(142)
नियमसार (खण्ड-2)
