________________
157. लभ्रूणं णिहि एक्को तस्स फलं अणुहवेइ सुजणत्ते।
तह णाणी णाणणिहिं भुजेइ चइत्तु परतत्ति।।
158. सव्वे पुराणपुरिसा एवं आवासयं च काऊण।
अपमत्तपहुदिठाणं पडिवज्ज य(पडिवज्जिय)केवली जादा॥
159. जाणदि पस्सदि सव्वं ववहारणएण केवली भगवं।
केवलणाणी जाणदि पस्सदि णियमेण अप्पाणं॥
160. जुगवं वदृइ णाणं केवलणाणिस्स दंसणं च तहा।
दिणयरपयासतावं जह वइ तह मुणेयव्वं।
161. णाणं परप्पयासं दिट्ठी अप्पप्पयासया चेव।
__ अप्पा सपरपयासो होदि त्ति हि मण्णसे जदि हि।
162. णाणं परप्पयासं तइया णाणेण दंसणं भिण्णं।
ण हवदि परदव्वगयं दंसणमिदि वण्णिदं तम्हा॥
163. अप्पा परप्पयासो तइया अप्पेण दंसणं भिण्णं।
ण हवदि परदव्वगयं दंसणमिदि वण्णिदं तम्हा।।
164. णाणं परप्पयासं ववहारणयेण दंसणं तम्हा।
अप्पा परप्पयासो ववहारणयेण दंसणं तम्हा॥
नियमसार (खण्ड-2)
(141)
