________________
141. जो ण हवदि अण्णवसो तस्स दु कम्मं भणंति आवासं।
कम्मविणासणजोगो णिव्वुदिमग्गो त्ति पिज्जुत्तो।
142. ण वसो अवसो अवसस्स कम्म वावस्सयं ति बोद्धव्वा।
जुत्ति त्ति उवाअं ति य णिरवयवो होदि णिज्जुत्ती॥
143. वदि जो सो समणो अण्णवसो होदि असुहभावेण।
तम्हा तस्स दु कम्मं आवस्सयलक्खणं ण हवे॥
144. जो चरदि संजदो खलु सुहभावे सो हवेइ अण्णवसो।
तम्हा तस्स दु कम्मं आवासयलक्खणं ण हवे॥
145. दव्वगुणपज्जयाणं चित्तं जो कुणइ सो वि अण्णवसो।
मोहंधयारववगयसमणा कहयंति एरिसय।।
146. परिचत्ता परभावं अप्पाणं झादि णिम्मलसहावं। ___अप्पवसो सो होदि हु तस्स दु कम्मं भणंति आवास।।
147. आवासं जह इच्छसि अप्पसहावेसु कुणदि थिरभाव।
तेण दु सामण्णगुणं संपुण्णं होदि जीवस्स।
148. आवासएण हीणो पब्भट्टो होदि चरणदो समणो।
पुव्वुत्तकमेण पुणो तम्हा आवासयं कुज्जा॥
नियमसार (खण्ड-2)
(139)
