________________
133. जो दु धम्मं च सुक्कं च झाणं झाएदि णिच्चसो।
तस्स सामाइगं ठाइ इदि केवलिसासणे॥
134. सम्मत्तणाणचरणे जो भत्तिं कुणइ सावगो समणो।
तस्स दु णिव्वुदिभत्ती होदि त्ति जिणेहि पण्णत्त।
135. मोक्खंगयपुरिसाणं गुणभेदं जाणिऊण तेसिं पि।
जो कुणदि परमभत्तिं ववहारणयेण परिकहिय।
136. मोक्खपहे अप्पाणं ठविऊण य कुणदि णिव्वुदी भत्ती।
तेण दु जीवो पावइ असहायगुणं णियप्पाणं।
137. रायादीपरिहारे अप्पाणं जो दु जुंजदे साहू।
सो जोगभत्तिजुत्तो इदरस्स य किह हवे जोगो॥
138. सव्ववियप्पाभावे अप्पाणं जो दु जुंजदे साहू।
सो जोगभत्तिजुत्तो इदरस्स य किह हवे जोगो॥
139. विवरीयाभिणिवेसं परिचत्ता जोण्हकहियतच्चेसु। ___ जो जुंजदि अप्पाणं णियभावो सो हवे जोगो॥
140. उसहादिजिणवरिंदा एवं काऊण जोगवरभत्ति।
णिव्वुदिसुहमावण्णा तम्हा धरु जोगवरभत्ति।।
(138)
नियमसार (खण्ड-2)
