________________
20
आसउ संसारहं मुणहिं, कारणु अण्णु ण कोइ । इम जाणेप्पिणु जीव तुहं, अप्पा अप्पउ जोइ ॥१६॥
जो परु जाणइ अप्प परु, जो पर-भाव चएइ । सो संवरु जाणेहि तुहुं, जिणवरु एम भणेइं ॥१७॥
जइ जिय संवरु तुह करहि, तो सिव सुक्ख लहेहि । अण्णु वि सयल परिचयहि, जिणवरु एम भणेहि ॥१८॥
सहजाणंद परिट्ठिया, जे पर-भाव न लिति । ते सुह असुह वि णिज्जरहिं, जिणवरु एम भणंति ॥१९॥
सु सरीरु वि तइलोउ मुणि, अण्णु ण बीयउ कोइ । जहं आधार परट्ठियउ, सो तुहुं अप्पा जोई ॥२०॥
सो दुल्लहु लाहु वि मुणहि, जो परमप्पह लाहु । अण्णु ण दुल्लहु किंपि तुह, णाणी बोलइ साहु ॥२१॥
पुणु पुणु अप्पा झाइ ज्जइ, मण, वय, काय, विसुद्ध । राय रोस वे परिहरिवि, जइ चाहहि सिव सिद्धि ॥२२॥
राय रोस वे परिहरिवि, अप्पा अप्पउ जोइ । जिण - सामिउ एमई भणहिं, सहजि पिउपज्जइ सोइ ॥२३॥
