________________
260
न्यायमञ्जरी विचारेण। सर्वथा प्रकृतिनिर्मलमत्युदारं व्याकरणाम्बरमेवंप्रायैः परि. वादपांसुपातैः न मनागपि धूसरीकर्तुं पार्यत* इति सिद्धम् ॥
तस्मात् पवित्रात् सर्वस्मात् पवित्रं आर्यजनबहुमतं अधिगतचतुर्वर्ग अग्राम्यमात्मानं कर्तुं अध्येतव्यं व्याकरणम् ||
. [व्याकरणस्यावश्याध्येयत्वोपसंहारः ] आह च
आपः पवित्रं 'प्रथम पृथिव्यां __ अपां पवित्रं परमा हि मन्त्राः । तेषां च सामय॑जुषां पवित्रं महर्षयो व्याकरणं निराहुः ।।
[व्याकरणाध्ययनप्रशंसा ] इहाप्युक्तम्
रूपान्तरेण देवास्ते विहरन्ति महीतले ।
ये व्याकरणसंस्कारपवित्रितमुखा नराः ।। . किंच
वरं हि जातास्तिमयो गभीर
जलाशये पङिकनि नित्यमूकाः । न मानवा व्याकरणाभियोगप्रबुद्धसंस्कारविहीनवाचः ।।
-
-
* प्रत्युत प्रक्षेप्तुः शिरस्येव ते पतेरन् । * तिमयः-जलचराणिविशेषाः ॥
1 परम-ख.
