________________
अमंगलियपुरिसस्स कहा
८
___ एगमि नयरे एगो अमंगलिओ मुद्धो पुरिसो आसि। सो एरिसो अत्थि, जो को वि पभायंमि तस्स मुहं पासेइ, सो भोयणं पि न लहेज्जा। पउरा वि पच्चूसे कया वि तस्स मुहं न पिखंति। नरवइणावि अमंगलियपुरिसस्स वट्टा सुणिआ। परिक्खत्थं नरिंदेण एगया पभायकाले सो आहूओ, तस्स मुहं दिटुं। .
जया राया भोयणत्थमुवविसइ, कवलं च मुहे पक्खिवइ, तया अहिलंमि नयरे अकम्हा परचक्कभएण हलबोलो जाओ। तया नरवई वि भोयणं चिच्चा सहसा उत्थाय ससेण्णो नयराओ बहिं निग्गओ। भयकारणमदट्ठण पुणो पच्छा आगओ समाणो नरिंदो चिंतेइ—“अस्स अमंगलिअस्स सरूवं मए पच्च्चखं 'दिटुं, तओ एसो हंतव्वो” एवं चितिऊण अमंगलियं बोल्लाविऊण वहत्थं चंडालस्स अप्पेइ।
जया एसो रुयंतो, सकम्मं निंदतो चंडालेण सह गच्छेइ। तया एगो कारुणिओ बुद्धिनिहाणो वहाइ नेइज्जमाणं तं दणं कारणं णच्चा तस्स रक्खणाय कण्णे किंपि कहिऊण उवायं दंसेइ । हरिसंतो जया वहत्थंभे ठविओ, तया चंडालेण सो पच्छिओ—'जीवणं विणा तव कावि इच्छा सिया, तया मग्गसु त्ति'।
सो कहेइ-“मज्झ नरिंदमुहदंसणेच्छा अस्थि” । जया सो नरिंदसमीवमाणीओ तया नरिंदो तं पुच्छइ—“किमेत्थ आगमणपओयणं?"। सो कहेइ—“हे नरिंद ! पच्चूसे मम मुहस्स दंसणेण भोयणं न लब्भइ, परंतु तुम्हाणं मुहपेक्खणेण मम वहो भविस्सइ, तया पउरा किं कहिस्संति ? । मम मुहाओ सिरिमंताणं मुहदंसणं केरिसफलयं संजायं, नायरा वि पभाए तुम्हाणं मुंहं कहं पासिहिरे”। एवं तस्स वयणजुत्तीए संतुट्ठो नरिंदो वहाएसं निसेहिऊण पारितोसिअं च दच्चा तं अमंगलिअं संतोसीअ।
१९२
. प्राकृत स्वयं-शिक्षक
