________________
. चउजामायराणं कहा
कत्थ वि गामे नरिंदस्स रज्जसंतिकारगो पुरोहिओ आसि। तस्स एगो पत्तो पंच य कन्नगाओ संति। तेण चउरो कन्नगाओ विउसमाहणपुत्ताणं परिणाविआओ। कयाई पंचमीकन्नाए विवाहमहूसवो पारद्धो। विवाहो चउरो जामाउणो समागया। पुण्णे विवाहे जामायरेहिं विणा सव्वे संबंधिणो नियनियघरेसु गया। जामायरा भोयणलुद्धा गेहे गंतुं न इच्छंति । पुरोहिओ विआरेइ—'सासूए अईव पिया जामायरा, तेण अहुणा पंच छ दिणाई एए चिटुंतु, पच्छा गच्छेज्जा'।
ते जामायरा खज्जरसलुद्धा तओ गच्छिउं न इच्छेज्जा। परुप्परं ते चिंतेइरे—“ससुरगिहनिवासो सग्गतुल्लो नराणं" किल एसा सुत्ती सच्चा, एवं चिंतिऊण एगाए भित्तीए एसा सुत्ती लिहिआ। एगया एयं सुत्तिं वाइऊण ससुरेण चिंतियं-“एए जामायरा खज्जरसलुद्धा कयावि न गच्छेज्जा, तओ एए बोहियव्वा" एवं चिंतिऊण तस्स सिलोगपायस्स हिटुंमि पायत्तिगं लिहिअं
"जई वसइ विवेगी पंच छव्वा दिणाई। दहिघयगुडलुद्धो मासमेगं वसेज्जा,
स हवइ खरतुल्लो माणवो माणहीणो" ॥१॥ ते जामायरा पायत्तिगं वाइऊणं पि खज्जरसलुईत्तणेण. तओ गंतुं नेच्छंति । • ससुरो वि चिंतेइ—'कहं एए नीसारियव्वा?, साउभोयणरया एए खरसमाणा माणंहीणा, तेण जुत्तीए निक्कासणिज्जा'। पुरोहिओ नियं भज्जं पुच्छइ–'एएसिं जामाऊणं भोयणाय किं देसि'? । सा कहेइ 'अइप्पियजामायराण तिकालं दहिघय-गुडमीसिअमन्नं पक्कन्नं च सएव देमि'। पुरोहिओ भज्जं कहेइ–'अज्जदिणाओ आरब्भ तुमए जामायराणं वज्जकुडो विव थूलो रोट्टगो घयजुत्तो दायव्वो।
___ पियस्स आणा अणइक्कमणीअ त्ति चिंतिऊण, सा भोयणकाले ताणं थूल रोट्टगं घयजुत्तं देइ।
तं दट्ठणं पढमो मणीरामो जामाया मित्ताणं कहेइ–'अहुणा एत्थ वसणं न जुत्तं, नियधरंमि अओ वि साउभोयणं अत्थि, तओ इओ गमणं चिय सेयं, ससुरस्स पच्चूसे कहिऊण हं गमिस्सामि' । ते कहिंति—“भो मित्त ! विणा मुल्लं
-
खण्ड १
१८७
