Page Text
________________
सीलवईए कहा
कम्मि वि नयरे लच्छीदासो नाम सेट्ठी वरिवट्टइ । सो बहुधणसंपत्तीए गविट्ठो आसी। भोगविलासेसु एवं लग्गो कयावि धम्मं न कुणेइ । तस्स पुत्तो वि एयारिसो अस्थि । जोव्वणे पिउणा धम्मिअस्स धम्मदासस्स जहत्थनामाए सीलवईए कन्नाए सह पाणिग्गहणं पुत्तस्स कारावियं । सा कन्ना जया अट्ठवासा जाया, तया तीए पिउपेरणाए साहुणीसगासाओ जिणेसरधम्मसवेणण सम्मत्तं अणुव्वयाइं च गहियाई, जिणधम्मे अईव निउणा संजायो।
जया सा ससुरगेहे आगया, तया ससुराई धम्माओ विमुहं दट्ठण तीए बहुदुहं संजायं । कहं मम नियवयस्स निव्वाहो होज्जा?, कहं वा देवगुरुविमुहाणं ससुराइणं धम्मोवएसो भवेज्जा? एवं सा वियारेइ । एगया 'संसारो असारो, लच्छी वि असारा, देहो वि विणस्सरो, एगो धम्मो च्चिय परलोगपवन्नाणं जीवाणमाहारु'त्ति उवएसदाणेण नियभत्ता जिणिंदधम्मेण वासिओ कओ। एवं सासूमवि कालंतरे बोहेइ। ससुरं पडिबोहिउं सा समयं मग्गेइ।। ... एगया तीए घरे समणगुणगणालंकिओ महब्बई नाणी जोव्वणत्थो एगो साहू भिक्खत्थं समागओ । जोव्वणे वि गहीयवयं संतं दंतं साहुँ घरंमि आगयं दट्ठण आहारे विज्जमाणे वि तीए वियारियं—'जोवणे महव्वयं महादुल्लहं, कहं एएण एयंमि . जोव्वणे गहीयं? त्ति' परिक्खत्थं समस्साए पुटुं—'अहुणा समओ न संजाओ, किं
पुव्वं निग्गया?' तीए हिययगयभावं नाऊण साहुणा उत्तं-समयनाणं-कया मच्चू होस्सइ त्ति नत्थि, तेण समयं विणा निग्गओ।
- सा उत्तरं नाऊण तुट्ठा । मुणिणा वि सा पुट्ठा—'कइ वरिसा तुम्ह संजाया'? मुणिस्स पुच्छाभावं नाऊण वीसवासेसु जाएसु वि तीए ‘बारसवास त्ति उत्तं' । पुणरवि 'तं सामिस्स कइ वासा जाय'त्ति? पुटुं । तीए पियस्स पणवीसवासेसु जाएसुवि 'पंचवासा' उत्ता, एवं सासूए 'छम्मासा कहिया'। ससुरस्स पुच्छाए सो 'अहुणा न उप्पन्नो अस्थि' त्ति । एवं बहू-साहूणं वट्टा अंतरट्ठिएण ससुरेण सुआ। लद्धभिक्खे साहुँमि गए सो अईव कोहाउलो संजाओ, जओ पुत्तबहू मं उद्दिस्स 'न जाउ' त्ति कहेइ । रुट्ठो सो पुत्तस्स कहणत्थं हटुं गच्छइ । 'गच्छंतं ससुरं सा वएइ–भोत्तूणं हे ससुर ! तुम गच्छसु ।' ससुरो कहेइ–'जइ हं न जाओ म्हि, तया कहं भोयणं चव्वेमि-भक्खेमि' इअ कहिऊणं हट्टे गओ।
पुत्तस्स सव्वं वुत्तंतं कहेइ—'तव पत्ती दुरायारा असम्भवयणा अस्थि, अओ तं गिहाओ निक्कासय' । सो पिउणा सह गेहे आगओ। बहुँ पुच्छइ—'किं माउपिउणं
खण्ड १
१८५
| SR No. | 002253 |
| Book Title | Prakrit Swayam Shikshak |
| Original Sutra Author | N/A |
| Author | Prem Suman Jain |
| Publisher | Prakrit Bharati Academy |
| Publication Year | 1998 |
| Total Pages | 250 |
| Language | Hindi |
| Classification | Book_Devnagari |
| File Size | 12 MB |