________________
तओ सो विणीयओ घरे अच्छइ, विसेसओ य धणसिरीए जं चेडीकम्म तं सयमेव करेइ। तआ धणसिरीए विणीयओ सव्ववीसंभट्ठाणिओ जाओ।
. तत्थ य नयरे रायसेवी एक्को डिंडी परिवसइ। इओ व सा धणसिरी पुव्वावरण्हसमए सत्ततले पासाए अट्ठालगवरगया सह विणीयगेणं तंबोलं सभाणयंती अच्छइ।
सो य डिंडी पहाय–समालद्धो तस्स भवणस्स आसण्णेण गच्छइ। धणसिरीए तंबोलं निच्छूद्धं पडियं डिंडिस्सुवरि । डिंडिणा निज्झाइया य, दिट्ठा य णेणं देवयभूया। तओ सो अणंगबाणसोसियसरीरो तीए समागमुस्सुओ संवत्तो। चिंतियं च णेणं-“एस विणीयओ एएसि सव्वप्पवेसी, एयं उवतप्पामि। एयस्स पसाएणं एईए सह समागमो भविस्सइ"त्ति ।
तओ अण्णया तेण विणीयओ नियगभवणं नीओ। पूयासक्कारं च काउं पायपडिएण विण्णविओ-“तहा चेट्ठसु, जेण मे धणसिरीए सह संजोगं करेंसि”
त्ति।
तओ सो “एवं होउ” त्ति वोत्तूण धणसिरीए सगासं गओ। पत्थावं च जाणिऊण भणिया णेणं धणसिरी डिंडिवयणं । तओ तीए रोसवसगाए भणिओ
"केवलं तुमे चेव एवं संलत्तं, अण्णो ममं ण जीवंतो" ति। तओ सो बिइयदिवसे निग्गओ, दिवो य डिंडिणा भणियो णेणं "किं भो वयंस ! कयं कज्जं?" त्ति।
तओ तेण तव्वयणं गूहमाणेणं भणियं—“घत्तीह"त्ति । तओ पुणरवि तेण दाणमाणेणं संगहियं करेत्ता विसज्जिओ। .
तओ सो आगन्तूण धणसिरीए पुरओ विमणो तुहिक्को ठिओ अच्छइ। तओ तीए धणसिरीए तस्स मणोगयं जाणिऊण भणिओ
__ "किं ते पुणो डिंडी किंचि भणइ?"
तेण भणियं—“आमं” ति। तीए निवारिओ 'न ते पुणो तस्स दरिसणं दायव्वं ।'
पुणो य पुच्छिज्जमाणे तहेव तुहिक्को अच्छइ । तओ तीए तस्स चित्तरक्खं करेंतीए भणिओ—“वच्छ, देहि से संदेसं, जहा—'असोगवणियाए तुमे अज्ज पओसे आगंतव्वं' ति।"
तेण कहा कयं । तओ सा असोगवणिआए सेज्जं पत्थरेऊण जोगमज्जं च गिण्हिऊण विणीयगसहिया अच्छइ सो आगओ। तओ तीए सोवयारं मज्जं
१७८
प्राकृत स्वयं-शिक्षक
