________________
गज्जसंगहो
भारियासीलपरिक्खा
अस्थि अवंति नाम जणवओ। जत्थ उज्जेणी नाम नयरी रिद्धिस्थिमियसमिद्धा.। तत्थ राया जितसत्तू नाम। तस्स रण्णो धारिणी नाम देवी।
तत्थ य उज्जेणीए नयरीए दसदिसिपयासो इब्भो सागरचंदो नाम। भज्जा .. य से चंदसिरी। तस्स पुत्ते चंदसिरीए अत्तओ समुद्ददत्तो नाम सुरूवो। .. ___सो य सागरचंदो परमभागवउदिक्खासंपत्तो भगवयगीयासु सुत्तओ अत्थओ. य विदितपरमत्थो। सो च तं समुद्ददत्तं दारगं गिरे परिव्वायगस्स कलागहणत्थे ठवइ “अन्नसालासु सिक्खंतो अण्णपासंडियदिट्ठी हवेज्जा”।
तओ सो समुद्ददत्तो दारगो तस्स परिवायगस्स समीवे कलागहणं करेमाणों अण्णया कयाई ‘फलगं ठवेमि' ति गिहं अणुपविट्ठो। नवरिं च पासइ नियग-जाणणीं तेण परिव्वायगेण सिद्धिं असम्भं आयरमाणीं। ततो सो निग्गओ इत्थीसु विरागसमावण्णो, 'न एयाओ कुलं सीलं वा रक्खंति' ति चिंतिऊण हियएण निब्बधं करेई, जहा न मे वीवाहेयव् ति। तओ से समत्तकलस्स जोवणत्थस्स पिया सरिसकुल-रूव-विहवाओ दारियाओ वरेइ। सो यता पाडिसेहेइ। एवं तस्स कालो वच्चइ।
अण्णया तस्स सम्मएणं पिया सुरटुं आगओ ववहारेणं'। गिरिनयरे धणसत्थवाहस्स धूयं धणसिरिं पडिरूवेणं सुकेणं समुद्ददत्तस्स वरेइ। तस्स य अन्नायं एवं तिहिगहणं काऊण नियनयरं आगओ। तओ तेण भणिओ समुद्ददत्तो"पुत्त ! मम गिरिनयरे भंडं अच्छइ तत्थ तुमं सवयंसो वच्च । तओ तस्स भंडस्स विणिओगं काहामो ” त्ति वोत्तूण वयंसाण य से दारियासंबंधं संविदितं कयं ।
तओ ते सविभवाणुरूवेणं निग्गया, कहाविसेसेण य पत्ता गिरिनयरं । बाहिरओ य ठाइऊणं धणस्स सत्थवाहस्स मणुस्सो पेसिओ, जहा ते आगओ वरो ति।
१७६
प्राकृत स्वयं-शिक्षक
