________________
.
उद्धाइ चलइ वेवइ, विहुणइ पक्खावलिं वियम्भन्ती। तडपायवे विलग्गइ, पुणरवि सलिलं समल्लियइ ॥५२॥ । विहडेइ पउमसण्डं, दइययसंकाएँ चंचुपहरेहि। . उप्पयइ गयणमग्गं, सहसा पडिसद्दयं सोउं॥५३॥. गरुयपियविरहदुहियं, चक्कि दळूण तग्गयमणेणं । पवणंजएण सरिया, महिन्दतणया चिरपमुक्का॥५४ ।। भणिऊण समाढत्तो, हा ! कटुं जा मए अकज्जेणं। मुढेण पावगुरुणा, चत्ता वरिसाणि बावीसं ॥५५॥ जह एसा चक्काई, गाढं पियविरहदुक्खिया जाया। ... तह सा मज्झ पिययमा, सुदीणवयणा गमइ . कालं ॥५६ ॥ जइ नाम अकण्णसुहं, भणियं सहियाएँ तीऍ पावाए। .. तो किं मए विमुक्का, पसयच्छी दोसपरिहीणा ? ॥५७ ॥ : परिचिन्तिऊण एवं वाउकुमारेण पहसिओ भणिओ। .. दट्ठण चक्कैवाई, सरिया से अंजणा भज्जा ॥५८॥ एन्तेण मए दिट्ठा, पासायतलट्ठिया पलोयन्ती। . . ववगयसिरि-सोहग्गा, हिमेण पहया कंमलिणि व्व॥५९॥ तं चिय करेहि सुपुरिस !, अज्ज उवायं अकालहीणम्मि। जेण चिरविरहदुहिया, पेच्छामि अहंजणा · बाला॥६० ॥ परिमणिय कज्जनिहसो, पवणगई भणइ पहसिओ मित्तो। मोत्तण तत्थ गमणं, अन्नोवायं न पेच्छामि ॥६१ ॥ पवणंजएण तुरियं, सद्दावेऊण मोग्गरामच्चो। ठवियो य सेन्नरक्खो, भणिओ मेरुं अहं जामि॥६२ ।। चन्दणकुसुमविहत्था, दोण्णि वि गयणंगणेण वच्चन्ता । रयणीए तुरियचवला, संपत्ता अंजणाभवणं ॥६३ ॥ तो पहसिओ ठवेउं घरस्स अग्गीवए पवणवेगं। . अन्भिन्तरं पविठ्ठो, दिट्ठो बालाएँ सहस ति॥६४ ॥ भणिओ य भो ! तुम को? केण व कज्जेण आगओ एत्थं । तो पणमिऊण साहइ, मित्तो हं पवणवेगस्स॥६५॥ सो तुज्झ पिओ सुन्दरि !, इहागओ तेण पेसिओ तुरियं ।। नामेण पहसिओ हं, मा सामिणि ! संसयं कुणसु ॥६६॥ •
१५०
प्राकृत स्वयं-शिक्षक
