________________
अथ वर्तमानप्रवचनोपदेष्ट्रतया परमासन्नोपकारित्वेन श्रीगौतमं भग.. वन्तं वन्दते
वन्दे श्रीगौतमं देवं, देवतासङ्घसेवितम् । निःशेषलब्धिसम्पन्नं, प्रथमं गणनायकम् ॥२॥
वन्दे इति । निःशेषेति । लब्धयश्च सम्भिन्नश्रोतोलब्धिप्रमुखा अनेक भेदाः । सम्भिन्नश्रोतोलब्धिश्चयम्
सर्वेन्द्रियाणां विषयान्, गृह्णात्येकमपीन्द्रियम् । . _यत्प्रभावेन सम्भिन्न-श्रोतोलब्धिस्तु सा मता ॥ .
एवं कफौषध्यादयोऽक्षीणमहानसर्द्धि-महाप्रज्ञर्द्धि-बीजबुद्धयादयश्चाप्युपलक्षणीयाः ॥ २॥
अथ ग्रन्थकृद् , गुरुविनयत एव शास्त्रं सुविनिश्चितार्थ पूज्यं च भवतीति, स्वस्मिंश्च सम्यग्दर्शनज्ञानचारित्राणां संस्थापकत्वेन महोपकारितया सूरिभगवन्तं प्रणौति
श्रीमच्छ्रमणसङ्घस्या-ऽधीश्वरं योगशालिनम् । परमप्रौढसाम्राज्यं, नेमिसूरिं प्रणौमि तम् ॥३॥
श्रीमदिति । योगेति । योगश्चात्र ज्ञानदर्शनचारित्ररूपः शास्त्रोक्तविधिना श्रीप्रज्ञप्त्यादिमहायोगोद्वहनरूपश्च ॥३॥
एवं चाभिमतशास्त्रसिद्धयुपायसद्बोधहेतुपरापरशास्त्रप्रवाहनिबन्धनं श्रीगौतमादिवर्तमानाचार्य-शासनसम्राटपर्यन्तं समस्तमप्याप्तप्रवाहं हृदि निधाय प्रतिजानीते
सूरेभगवतस्तस्य, पादसेवाऽनुभावतः । जैनमुक्तावली काचिद्, विधियाऽपि विरच्यते ॥४॥
