________________
भीतीर्थस्तुतिः ...
[२९३] तेषां सिद्धिमुपेयुषां त्रिजगतां पूज्यत्वमासेदुषाम् , भक्त्या पादयुगं नमामि सुभगं सम्यक्त्रिधा सर्वदा ॥२॥ अन्वय- .
___ मनुजोत्तरेण गिरिणा सर्वतः संवेष्टित नृक्षेत्रे अतीतानागतवर्तमानसमये ये जिनाः संपेदिरे सिद्धिम् उपेयुषां त्रिजगतां पूज्यत्वम् आसेदुषाम् तेषां सुभगं पादयुगं त्रिधा भक्त्या सर्वदा सम्यक् नमामि ।
नृक्षेत्र इति-'मनुजोत्तरेण मनुजेभ्यः मनुष्येभ्यः उत्तरः पश्चिमः मनुष्यक्षेत्रसीमवर्तिपर्वतनामविशेषस्तेन । 'गिरिणा' अद्रिणा । 'सर्वतः' सर्वस्मात् देशात् परितो वा। 'संवेष्टिते' सम्यक्प्रकारेण परिरुद्धे । 'नृक्षेत्रे' नृणां मनुष्याणां क्षेत्रे भूमौ पञ्चचत्वारिंशल्लक्षयोजनप्रमाणमनुष्यक्षेत्रमित्यर्थस्तस्मिन् । 'अतीता-नागतवर्तमानसमये' अतीतः भूतः अनागत: भावी वर्तमानः संप्रतिकालविशेषः त एव तेषां वा समयः 'कालस्तस्मिन् । 'ये' वक्ष्यमाणलक्षणाः। 'जिनाः' जिनेश्वरदेवाः। 'संपेदिरे' समुत्पन्नाः उपलक्षणात् प्रादुर्भवन्ति प्रादुर्भविष्यन्ति तेऽपि ग्राह्याः । 'सिद्धिम् मुक्तिम् ' सर्वकर्मविनिर्मुक्तावस्थाम् । 'उपेयुषाम्' प्राप्ता. नाम् । 'त्रिजगताम् ' त्रीणि उर्ध्वतिर्यगधोलक्षणानि स्वर्गमृत्युपातालस्वरूपाणि वा जगन्ति विश्वाः लोका वा तेषां । 'पूज्यत्वम् स्तुत्यनम्यत्वम् । 'आसेदुषाम्' आपनानाम् । 'तेषाम् ' उक्तरूपाणां परमात्मनाम् । 'सुभगम्' शोभनम् अप्रतिहतत्वाद् अतिशयं सर्वोस्कृष्टस्वाद् वा भगम् ऐश्वर्यम् अष्टप्रातिहार्य चतुत्रिंशदतिशयास्मरूपं वा यस्य तद् श्रेष्ठश्रीमद् । 'पादयुगम्' पादयोः चरणयोः मयुगं द्विक । 'त्रिधा' त्रिभिः प्रकारः मनोवाकायलक्षणैः ।
